Prezident Qasym-Jomart Toqaev úkimettiń keńeitilgen otyrysynda azamattarǵa áleýmettik qoldaý kórsetý júiesin qaita qaraýdy usyndy, dep habarlaidy Dalanews.kz.
Onyń pikirinshe, memleketten kómek shynaiy zárý adamdarǵa ǵana berilýi tiis.
"Halyqqa áleýmettik kómek beremiz dep, shyny kerek, qoǵamda masyldyq psihologiiaǵa jol berdik. Órkenietti el bolamyz desek, mundai jaǵymsyz úderiske tosqaýyl qoiýymyz kerek. Turatyn úii, tipti, astynda qymbat kóligi bar azamattarǵa emes, kómekke zárý adamdarǵa kómek berilýi qajet", - dedi prezident.
Prezident búginde tórt jarym millionǵa jýyq adam memleketten áleýmettik kómek alatynyn alǵa tartty. Aitýynsha onyń basym kópshiligi – eńbekke jaramdy azamattar. Osy tusta ol azamattarǵa áleýmettik qoldaý kórsetý júiesin qaita qaraýdy usyndy. Sebebi memleketten kómek alý úshin tabysyn ádeii azaityp kórsetetin adamdardyń bar ekenin alǵa tartty.
