"Hýssadan úsh ulym bar"
Stýdenttik shaqta qazirgi joldasym Hýssammen tanystym. Sodan ekeýmizdiń tanystyǵymyz mahabbatqa ulasyp, kóp uzamai shańyraq kóterdik. Mine, biyl jetinshi jyldan asty, Siriia elinde, Damask qalasynda turyp jatyrmyz. Allaǵa shúkir, úsh ul tárbielep otyrmyz. Úlkenim Ahmadtyń jasy 18-de, ekinshimiz Mýhammad 13-te, kenjetaiymyz Iahiia 6 jasta.
" Eshqandai qarsylyq bildirmedi. Hýssam eń aldymen ákemmen Almatyda tanysty. Ekeýi biraz áńgimelesti, men unatqan jigittiń qandai adam ekenin jan-jaqty bildi. Sodan keiin baryp Hýssam Túlkibasqa quda túsip bardy. Osylaisha biz shańyraq kóterdik".
"Siriia? Bul jerde arab ultynyń tamaqtaryn pisire almaǵan áielderdi onsha syilamaidy"
Siriia jyldyń tórt mezgilinde de kókónispen qamtamasyz etilgen, halqy jeńil ónerkásippen ainalysatyn, orta jáne joǵary bilimi tegin, meditsina sapasy da asa joǵary deńgeidegi el edi. Átteń, sońǵy jyldary bolyp jatqan soǵys aitarlyqtai keri áserin tigizdi. Degenmen biz turatyn Damask qalasynda qazir tynysh.
Anaý aitqandai soǵys apatyn kórgen joq. Damask qalasy ashyq aspan astyndaǵy murajai siiaqty. Bul jerde Beibarys sultannyń, Ál-Farabi babamyzdyń, Muhammed paiǵambarymyzdyń balalarynyń, onyń sahabalarynyń keseneleri bar.
Siriia soǵysqa deiin baǵalary eń arzan memleketterdiń qatarynda bolǵan. Munaidyń baǵasy da edáýir tómen bolǵandyqtan kórshi Livan, Iordaniia eliniń azamattary benzin, tamaq, kiim-keshek alyp ketýshi edi. Al qazir óndiris oshaqtary toqtaǵan. Barlyq zat on esege deiin qymbattady.
Biraq halqy óte eńbekqor, soǵys bolyp jatqanyna qaramastan ózge eldiń adamdary siiaqty ómir súrýge talpynyp jatyr. Mektep, aýrýhana siiaqty memleketke qarasty mekemelerde jalaqy ýaqtyly tólenedi. Tipti jaýdyń qolyna ótken jerlerdegi aýrýhana qyzmetkerlerine de ailyq berilýde.
Halqy jóninde aitar bolsam, qyzdardyń bári oramal tartady, dindi qatty ustanady. Munda otbasyndaǵy kóp máseleni áielder sheshedi. Áielderge erkindik berilgen. Bul jerde arab ultynyń tamaqtaryn pisire almaǵan áielderdi onsha syilamaidy. Alǵash kóship kelgende eki jyl enemizdiń qolynda turdyq. Sonda júrip enemnen kóp nárse úirenip aldyq. Ádetteri sol, úidegi ashana áielderdiń «vizittik kartochkasy» ispetti. Qartaisa da tamaqty ózderi pisiredi.
"Ózge ultqa shyqtym. Ókinbeimin..."
"Taǵdyr pesheneme osyndai ómirdi jazǵan shyǵar. Degenmen oǵan esh ókinbeimin. Biraq sińlilerime tek qazaqtyń jigitterine turmysqa shyǵyńdar dep aitar edim. Sebebi ózge ult adamyna, ózge elge sińisip ketý ońai emes. Basqa elde basyńdy tik kóterip júrý úshin shydamdylyq, amal-aila kerek. «Ózge elde sultan bolǵansha, óz elińde ultan bol» degen sóz tekke aitylmaǵan. Osyny umytpańdar".
