Belgili kásipker Syrymbek Taý eldiń keleshegine senimmen qaraý qajettigin aityp, Qazaqstannyń bolashaǵy ár azamattyń búgingi áreketine bailanysty ekenin jetkizdi, dep habarlaidy dalanews.kz.
Kásipkerdiń aitýynsha, Memleket basshysynyń ustazdarmen kezdesýde aitqan bolashaqqa qatysty pikiri qoǵam úshin mańyzdy baǵdar bolýy tiis. Ol qazaqstandyqtardy eldiń keleshegin bulyńǵyr elestetpei, ortaq jaýapkershilikti sezinýge shaqyrdy.
«Búgin Prezidentimizdiń ustazdardy qabyldaǵan kezde aitqan sózin oqydym. Memleket basshysy bolashaqty bulyńǵyr etip elestetpeýge úndedi. Menińshe, biz de Qazaqstannyń keleshegin bulyńǵyr oilamaýymyz kerek. Eger órkenietti, búgingiden de jaqsy Qazaqstandy kórgimiz kelse, árqaisymyz elge paidamyzdy tigizýimiz qajet», – dedi Syrymbek Taý.
Onyń pikirinshe, aldaǵy onjyldyqtarda eldiń qandai deńgeige jetetini búgingi urpaqtyń eńbegi men jaýapkershiligine tikelei bailanysty.
«2030, 2035, 2040 nemese 2070-2080 jyldary bizdiń urpaǵymyz jaqsy Qazaqstanda ómir súrsin desek, oǵan búginnen bastap árbirimiz úles qosýymyz kerek», – dedi kásipker.
Syrymbek Taý qoǵamnyń damýy men memlekettiń órkendeýi ár azamattyń óz isine adal qarap, el igiligi úshin eńbek etýinen bastalatynyn atap ótti. Onyń sózinshe, Qazaqstannyń jarqyn bolashaǵy týraly oilaý ǵana emes, ony naqty ister arqyly qalyptastyrý mańyzdy.
