بەلگٸلٸ كەسٸپكەر سىرىمبەك تاۋ ەلدٸڭ كەلەشەگٸنە سەنٸممەن قاراۋ قاجەتتٸگٸن ايتىپ, قازاقستاننىڭ بولاشاعى ەر ازاماتتىڭ بٷگٸنگٸ ەرەكەتٸنە بايلانىستى ەكەنٸن جەتكٸزدٸ, دەپ حابارلايدى dalanews.kz.
كەسٸپكەردٸڭ ايتۋىنشا, مەملەكەت باسشىسىنىڭ ۇستازدارمەن كەزدەسۋدە ايتقان بولاشاققا قاتىستى پٸكٸرٸ قوعام ٷشٸن ماڭىزدى باعدار بولۋى تيٸس. ول قازاقستاندىقتاردى ەلدٸڭ كەلەشەگٸن بۇلىڭعىر ەلەستەتپەي, ورتاق جاۋاپكەرشٸلٸكتٸ سەزٸنۋگە شاقىردى.
«بٷگٸن پرەزيدەنتٸمٸزدٸڭ ۇستازداردى قابىلداعان كەزدە ايتقان سٶزٸن وقىدىم. مەملەكەت باسشىسى بولاشاقتى بۇلىڭعىر ەتٸپ ەلەستەتپەۋگە ٷندەدٸ. مەنٸڭشە, بٸز دە قازاقستاننىڭ كەلەشەگٸن بۇلىڭعىر ويلاماۋىمىز كەرەك. ەگەر ٶركەنيەتتٸ, بٷگٸنگٸدەن دە جاقسى قازاقستاندى كٶرگٸمٸز كەلسە, ەرقايسىمىز ەلگە پايدامىزدى تيگٸزۋٸمٸز قاجەت», – دەدٸ سىرىمبەك تاۋ.
ونىڭ پٸكٸرٸنشە, الداعى ونجىلدىقتاردا ەلدٸڭ قانداي دەڭگەيگە جەتەتٸنٸ بٷگٸنگٸ ۇرپاقتىڭ ەڭبەگٸ مەن جاۋاپكەرشٸلٸگٸنە تٸكەلەي بايلانىستى.
«2030, 2035, 2040 نەمەسە 2070-2080 جىلدارى بٸزدٸڭ ۇرپاعىمىز جاقسى قازاقستاندا ٶمٸر سٷرسٸن دەسەك, وعان بٷگٸننەن باستاپ ەربٸرٸمٸز ٷلەس قوسۋىمىز كەرەك», – دەدٸ كەسٸپكەر.
سىرىمبەك تاۋ قوعامنىڭ دامۋى مەن مەملەكەتتٸڭ ٶركەندەۋٸ ەر ازاماتتىڭ ٶز ٸسٸنە ادال قاراپ, ەل يگٸلٸگٸ ٷشٸن ەڭبەك ەتۋٸنەن باستالاتىنىن اتاپ ٶتتٸ. ونىڭ سٶزٸنشە, قازاقستاننىڭ جارقىن بولاشاعى تۋرالى ويلاۋ عانا ەمەس, ونى ناقتى ٸستەر ارقىلى قالىپتاستىرۋ ماڭىزدى.
