Qazaqstan Syrtqy ister ministrligi Vetnamǵa baratyn qazaqstandyqtarǵa eskertý jasady, dep habarlaidy dalanews.kz.
Vetnamda týrister úshin jańa onlain júie iske qosyldy. Endi shetel azamattary elge ushyp barmai turyp, óz málimetterin aldyn ala internet arqyly jibere alady. Bul áýejaidaǵy tekserýden jyldam ótip, uzyn-sonar kezekte turmaýǵa kómektesedi.
Qazir júie Hoshimin qalasyndaǵy Tanshonniat áýejaiynda jumys istep tur. Keiin ol Noibai, Danang, Kamran jáne Fýkýok áýejailarynda da engiziledi.
Mańyzdysy, bul júie viza ornyna júrmeidi jáne ony paidalaný mindetti emes. Ol tek elge kirý rásimin jeńildetýge arnalǵan.
Vetnam biligi týristerge málimetterdi tek resmi sait arqyly toltyrýdy jáne alaiaqtardyń jalǵan saittarynan saq bolýǵa eskertti.
