Shymkentte ýaqytsha ustaý izoliatoryna qamalǵan 23 jastaǵy qyz aýrýhanada qaitys boldy. Qazir onyń ólimine bailanysty qylmystyq is qozǵalyp, tergeý bastaldy, dep habarlaidy dalanews.kz.
Málimetterge súiensek, boijetken tanysynyń úiine barǵan. Ol jerde alkogol ishken jastar otyrǵan. Qyzdyń aitýynsha, jigitterdiń biri oǵan tiisip, erkinen tys jaqyn qatynasqa kóndirmek bolǵan.
Osydan keiin qyz syrtqa júgirip shyǵyp, qurbylaryna geolokatsiia jiberip, politsiia shaqyrýdy suraǵan.
Keiin úi mańynda er adamdar arasynda janjal shyqqan. Qyz ony videoǵa túsirip turǵan. Kadrlarda janjalǵa qatysýshylardyń biriniń qolynda pyshaq bolǵany aitylyp otyr.
Politsiia kelgennen keiin úiden pyshaq jaraqatyn alǵan kámeletke tolmaǵan jasóspirim tabylǵan. Osydan soń boijetken densaýlyqqa qasaqana aýyr ziian keltirdi degen kúdikpen ustalǵan.
Shymkent qalalyq politsiia departamenti qyz ben jasóspirim arasynda sózge kelý bolǵanyn habarlady. Sonyń barysynda jasóspirim pyshaq jaraqatyn alǵan. Politsiianyń málimetinshe, qyz oqiǵa kezinde mas kúide bolǵan.
Sot ony eki aiǵa qamaýǵa sanktsiia bergen. 15 mamyrǵa qaraǵan túni boijetken kameralas áielderge ózin nashar sezinip turǵanyn aitqan. Osydan keiin ol shuǵyl túrde aýrýhanaǵa jetkizilgen. Alaida birneshe saǵattan soń qaitys bolǵan. Aldyn ala málimet boiynsha, ólim sebebi – dárilik preparattan ýlaný.
Qyzdyń ólimine, sondai-aq ýaqytsha ustaý izoliatoryndaǵy ustaý jaǵdaiynyń talapqa sai bolmaýyna bailanysty qylmystyq ister qozǵaldy.
Tergeý barysy politsiia basshylyǵynyń baqylaýyna alynǵan.
