Shymkent qalasynda kórshiler arasyndaǵy janjal adam ólimimen aiaqtaldy. Oqiǵa 9 qyrkúiek kúni keshki ýaqytta Hamza kóshesinde bolǵan, dep habarlaidy dalanews.kz.
Aldyn ala málimet boiynsha, 65 jáne 39 jastaǵy eki er adamnyń arasynda janjal shyqqan. Qaqtyǵystyń naqty neden bastalǵany ázirge belgisiz.
Oqiǵa kóshedegi beinebaqylaý kamerasyna túsip qalǵan. Kadrlardan 39 jastaǵy er adamnyń 65 jastaǵy kórshisine birneshe ret soqqy jasaǵany kórinedi. Jábirlenýshi jerge qulaǵannan keiin de kúdikti ony urýyn jalǵastyrǵan.
Budan soń er adam marqumnyń úiinen birneshe zat alyp, ketip qalǵany aitylady.
Aýyr soqqy alǵan 65 jastaǵy turǵyn esin jimaǵan. Jaqyndary jedel járdem shaqyrǵanymen, oqiǵa ornyna kelgen meditsina qyzmetkerleri onyń qaitys bolǵanyn rastady.
Oqiǵa ornyna politsiia qyzmetkerleri men Shymkent qalasy Politsiia departamentiniń basshylyǵy barǵan. Kúdikti oqiǵa ornynan boi tasalap ketken.
Qazirgi ýaqytta ony izdestirý sharalary júrgizilip, qylmystyq is aiasynda oqiǵanyń barlyq mán-jaiy anyqtalyp jatyr.
Marqumnyń artynda bes balasy qaldy.
