Shymkentte politsiia qyzmetkerleri esirtki saqtady degen kúdikpen jas qyzdy ustady, dep habarlaidy dalanews.kz.
Quqyq qorǵaý organdarynyń málimetinshe, kúdiktiniń sómkesin tekserý kezinde jalpy salmaǵy shamamen 2 keli bolatyn mefedron salynǵan tórt paket tabylǵan. Sondai-aq odan elektrondy tarazy men esirtkini bólshektep oraýǵa arnalǵan quraldar tárkilengen.
Keiin tártip saqshylary kúdikti jalǵa alyp turǵan páterge tintý júrgizgen. Nátijesinde árqaisysynyń salmaǵy shamamen bes gramnan keletin esirtki zaty salynǵan taǵy 32 orama anyqtalǵan.
Atalǵan derek boiynsha qylmystyq is qozǵaldy. Kúdikti ýaqytsha ustaý izoliatoryna qamaldy. Qazir oqiǵanyń barlyq mán-jaiyn anyqtaýǵa baǵyttalǵan tergeý amaldary jalǵasyp jatyr.
