Shyǵys Qazaqstan oblysynyń Altai qalasynda «Taza Qazaqstan» ekologiialyq bastamasy jáne «Jastar – taza ári kórkeigen Qazaqstan úshin!» aktsiiasy aiasynda volonterler, stýdentter men aýdannyń belsendi jastarynyń Qoǵamdyq keńes múshelerimen kezdesýi ótti, dep habarlaidy dalanews.kz.
Is-sharany Altai aýdanynyń «Jastar resýrstyq ortalyǵy» KMM uiymdastyrdy.
Kezdesýdiń negizgi taqyryby – Altai aýdanyndaǵy ekologiialyq jaýapkershilik pen qorshaǵan ortany qorǵaý máseleleri boldy. Qatysýshylar jastardyń tabiǵatqa uqypty qaraý mádenietin qalyptastyrýdaǵy, qoǵamdyq oryndardyń tazalyǵyn saqtaýdaǵy jáne ózderi ómir súrip jatqan ortaǵa jaýapkershilikpen qaraýdaǵy rólin talqylady.
Qoǵamdyq keńes múshelerimen ótken ashyq dialog barysynda azamattyq jaýapkershilikke, belsendi ómirlik ustanymǵa jáne ár turǵynnyń týǵan ólkeni damytý men abattandyrýǵa qosatyn jeke úlesine erekshe nazar aýdaryldy. Ekologiialyq mádeniet tek senbilikterge qatysýdan ǵana emes, kúndelikti tártipten, qorshaǵan ortaǵa qurmetpen qaraýdan jáne ortaq keńistikke jaýapkershilikpen qaraýdan bastalatyny atap ótildi.
Is-sharanyń praktikalyq bóligi Táýelsizdik alleiasynda ótip, jastar aýmaqty tazalap, abattandyrý jumystaryn júrgizdi.
«Taza Qazaqstan» bastamasy praktikalyq ekologiialyq sharalardy tazalyq, jaýapkershilik jáne qorshaǵan ortaǵa qurmet mádenietin qalyptastyrýǵa baǵyttalǵan mindettermen ushtastyrady. Jastar úshin mundai bastamalarǵa qatysý – áleýmettik belsendiligin tanytyp qana qoimai, óz aýdanynyń damýyna naqty úles qosýdyń múmkindigi.
Altaidaǵy kezdesý aǵa býyn men jastar arasyndaǵy ózara pikir almasýǵa arnalǵan mańyzdy alańǵa ainaldy. Qatysýshylar zamanaýi ekologiialyq jaýapty azamat qandai bolýy kerektigin jáne naqty ister arqyly qolaily ári jaily ómir súrýge jaǵdai jasaityn ortany qalai qalyptastyrýǵa bolatynyn talqylady.
