Qazaqstanda sıfrlyq maınıngpen aınalysatyndarǵa arnalǵan taýarlyq gazdyń kóterme baǵasynyń shekti kólemi belgilendi, dep habarlaıdy Dalanews.kz.
Energetıka mınıstri qol qoıǵan buıryqqa sáıkes, ishki naryqta taýarlyq gazdy kóterme saýdadaǵy shekti baǵalary belgilendi. Ol 2025 jyldyń 1 shildesinen bastap iri komersıalyq tutynýshylarǵa, sıfrlyq maınıngti júzege asyratyn tulǵalarǵa nemese sıfrlyq maınıngti júzege asyrý úshin elektr energıasyn óndirý jónindegi tulǵalarǵa keıinnen ótkizýge arnala otyryp, iske qosylady.
"İri komersıalyq tutynýshylarǵa, sıfrlyq maınıngti júzege asyratyn tulǵalarǵa nemese sıfrlyq maınıngti júzege asyrý úshin elektr energıasyn óndirý jónindegi tulǵalarǵa keıinnen ótkizýge arnalǵan Qazaqstan Respýblıkasynyń ishki naryǵynda taýarlyq gazdy kóterme saýdada ótkizýdiń 2025 jylǵy 1 shildeden 2026 jylǵy 30 maýsymdy qosa alǵan kezeńge arnalǵan shekti baǵalaryn bekitilsin", delingen qujatta.
| № | Aımaqtar | Gazdyń 1000 tekshe metri, QQS-ti qospaǵanda, teńge |
| 1 | Astana | 72 846 |
| 2 | Almaty | 76 686 |
| 3 | Shymkent | 71 122 |
| 4 | Aqmola oblysy | 72 846 |
| 5 | Aqtóbe oblysy | 54 933 |
| 6 | Almaty oblysy | 76 686 |
| 7 | Atyraý oblysy | 41 993 |
| 8 | Batys Qazaqstan oblysy | 55 365 |
| 9 | Jambyl oblysy | 70 639 |
| 10 | Jetisý oblysy | 76 686 |
| 11 | Qaraǵandy oblysy | 72 846 |
| 12 | Qostanaı oblysy | 62 951 |
| 13 | Qyzylorda oblysy | 59 179 |
| 14 | Mańǵystaý oblysy | 57 649 |
| 15 | Túrkistan oblysy | 71 122 |
| 16 | Ulytaý oblysy | 72 846 |
| 17 | Shyǵys Qazaqstan oblysy | 13 069 |
