Qazaqstan Ortalyq Aziia men Qytai arasynda sheshýshi kópir róline kóterilip kele jatyr. Bul jaily qazaqstandyq sarapshy Qanat Ospanov aitty, - dep habarlaidy Dalanews.kz.
Ol Qytai basshysy Qazaqstanǵa altynshy ret kelip otyrǵanyn tilge tiek etti. Keiingi úsh jylda ol Astanaǵa eki ret at basyn bursa, pandemiia aiaqtalǵannan keiingi alǵashqy sheteldik sapary retinde de Qazaqstandy tańdaǵan.
2024 jyly eki memleket arasyndaǵy taýar ainalymy rekord kórsetkishke jetip, 30 milliard dollar bolǵan, munyń teń jartysyn Qazaqstannyń eksporty túzdi.
"Bul Qytaidyń Qazaqstan taýarlaryna degen suranysy artyp jatqanyn jáne elimizdiń Aziiadaǵy róli nyǵaiyp kele jatqanyn kórsetedi", - dedi sarapshy.
Qanat Ospanov Qytai Qazaqstan ekonomikasyndaǵy negizgi investorlardyń biri retinde qalyptasqanyn aitty.
"Qazirdiń ózinde quny 10 milliard dollar bolatyn 63 birlesken joba iske asyrylyp jatyr, shamamen 60 joba josparlanyp otyr. Jalpy investitsiialyq portfel 57 milliard dollardan asady jáne ol ónerkásip, energetika jáne logistika siiaqty sektorlardaǵy 200-den asa salany qamtidy. 17 maýsymda Astanada óńir liderleriniń qatysýymen "Ortalyq Aziia – Qytai" sammiti ótedi. Qazaqstan Ortalyq Aziia men Aspan asty elin jalǵastyryp turǵan negizgi kópirge ainalyp keledi", - dedi ol.
