قازاقستان ورتالىق ازيا مەن جۇڭگو اراسىندا شەشۋشى كوپىر رولىنە كوتەرىلىپ كەلە جاتىر. بۇل جايلى قازاقستاندىق ساراپشى قانات وسپانوۆ ايتتى، - دەپ حابارلايدى Dalanews.kz.
ول جۇڭگو باسشىسى قازاقستانعا التىنشى رەت كەلىپ وتىرعانىن تىلگە تيەك ەتتى. كەيىنگى ءۇش جىلدا ول استاناعا ەكى رەت ات باسىن بۇرسا، پاندەميا اياقتالعاننان كەيىنگى العاشقى شەتەلدىك ساپارى رەتىندە دە قازاقستاندى تاڭداعان.
2024 جىلى ەكى مەملەكەت اراسىنداعى تاۋار اينالىمى رەكورد كورسەتكىشكە جەتىپ، 30 ميلليارد دوللار بولعان، مۇنىڭ تەڭ جارتىسىن قازاقستاننىڭ ەكسپورتى ءتۇزدى.
"بۇل قىتايدىڭ قازاقستان تاۋارلارىنا دەگەن سۇرانىسى ارتىپ جاتقانىن جانە ەلىمىزدىڭ ازياداعى ءرولى نىعايىپ كەلە جاتقانىن كورسەتەدى"، - دەدى ساراپشى.
قانات وسپانوۆ جۇڭگو قازاقستان ەكونوميكاسىنداعى نەگىزگى ينۆەستورلاردىڭ ءبىرى رەتىندە قالىپتاسقانىن ايتتى.
"ءقازىردىڭ وزىندە قۇنى 10 ميلليارد دوللار بولاتىن 63 بىرلەسكەن جوبا ىسكە اسىرىلىپ جاتىر، شامامەن 60 جوبا جوسپارلانىپ وتىر. جالپى ينۆەستيسيالىق پورتفەل 57 ميلليارد دوللاردان اسادى جانە ول ونەركاسىپ، ەنەرگەتيكا جانە لوگيستيكا سياقتى سەكتورلارداعى 200-دەن اسا سالانى قامتيدى. 17 ماۋسىمدا استانادا ءوڭىر ليدەرلەرىنىڭ قاتىسۋىمەن "ورتالىق ازيا – جۇڭگو" ءسامميتى وتەدى. قازاقستان ورتالىق ازيا مەن اسپان استى ەلىن جالعاستىرىپ تۇرعان نەگىزگى كوپىرگە اينالىپ كەلەدى"، - دەدى ول.
