Qytaı prezıdenti Sı Szınpın Qazaqstanǵa 14 qyrkúıek kúni keledi. Bul týraly búgin, 5 qyrkúıekte QR Syrtqy ister mınıstrliginiń resmı ókili Aıbek Smadıarov málimdedi, – dep habarlaıdy Dalanews.kz.

Qytaı basshysynyń kúzde Qazaqstanǵa saparlaıtyny bıyl jazdyń basynda belgili bolǵan.

7 maýsym kúni Qazaqstan prezıdenti Qasym-Jomart Toqaev Qytaı Syrtqy ister mınıstri Van Idi qabyldap, kúzgi sapar kezde habarlanǵan.

Osy rette Qytaı basshysy Sı Szınpınniń pandemıadan keıin alǵash ret shetelge jasaıtyn saparyn Qazaqstannan bastap otyrǵanyn aıta ketýimiz kerek.

Qazaqstannyń syrtqy saýdasynda Qytaıdyń orny eleýli. BUU statısıka komıtetiniń Qytaıdan alǵan aqparatynsha, 2021 jyly eki el arasynda saýda kólemi 25 mıllıard dollardan asqan.

Eki memleket "Bir jol, bir beldeý" sekildi ınfraqurylymdyq jobalardy da birlese júzege asyrady.