جۇڭگو پرەزيدەنتى سي سزينپين قازاقستانعا 14 قىركۇيەك كۇنى كەلەدى. بۇل تۋرالى بۇگىن، 5 قىركۇيەكتە ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى، – دەپ حابارلايدى Dalanews.kz.

جۇڭگو باسشىسىنىڭ كۇزدە قازاقستانعا ساپارلايتىنى بيىل جازدىڭ باسىندا بەلگىلى بولعان.

7 ماۋسىم كۇنى قازاقستان پرەزيدەنتى قاسىم-جومارت توقايەۆ جۇڭگو سىرتقى ىستەر ءمينيسترى ۆان ءيدى قابىلداپ، كۇزگى ساپار كەزدە حابارلانعان.

وسى رەتتە جۇڭگو باسشىسى سي ءسزينپيننىڭ پاندەميادان كەيىن العاش رەت شەتەلگە جاسايتىن ساپارىن قازاقستاننان باستاپ وتىرعانىن ايتا كەتۋىمىز كەرەك.

قازاقستاننىڭ سىرتقى ساۋداسىندا قىتايدىڭ ورنى ەلەۋلى. بۇۇ ستاتيستيكا كوميتەتىنىڭ قىتايدان العان اقپاراتىنشا، 2021 جىلى ەكى ەل اراسىندا ساۋدا كولەمى 25 ميلليارد دوللاردان اسقان.

ەكى مەملەكەت "ءبىر جول، ءبىر بەلدەۋ" سەكىلدى ينفراقۇرىلىمدىق جوبالاردى دا بىرلەسە جۇزەگە اسىرادى.