Qytaı tóraǵasy Sı Szınpın Sınszán-Uıǵyr avtonomıalyq aýdanynyń qurylǵanyna 70 jyl tolýyna arnalǵan merekelik sharalarǵa qatysý úshin Úrimshige keldi, dep habarlaıdy Dalanews.kz.
Qytaı komýnıstik partıasynyń Ortalyq komıtetiniń bas hatshysy ári Qytaıdyń Ortalyq áskerı keńesiniń tóraǵasy Sı Szınpınniń, sondaı-aq ortalyq partıalyq-úkimettik delegasıanyń Sınszándaǵy merekelik sharalarǵa kelýi – el tarıhyndaǵy alǵashqy oqıǵa bolyp otyr.
Tóraǵanyń arnaıy ushaǵy 14:20 shamasynda Úrimshidegi Tánshan halyqaralyq áýejaıyna qondy. Ushaqtan túsken sátte Sı Szınpın qarsy alǵandarǵa qol bulǵap amandasty. Ol traptan túse salysymen balalar syılaǵan gúl shoǵyn qabyldap aldy. Odan keıin ártúrli etnostardyń ókilderi án aıtyp, bı bılep qarsy aldy.
Úrimshi kóshelerine jınalǵan halyq Qytaıdyń qyzyl jalaýlaryn ustap, memleket basshysynyń kortejin qarsy aldy. Sı Szınpın kóliktiń ashyq terezesinen halyqqa qol bulǵap jaýap berdi.
Sapar barysynda Qytaı halyq saıası konsýltatıvtik keńesiniń tóraǵasy, ortalyq partıalyq-úkimettik delegasıanyń basshysy Van Hýnın jáne QKP OK kanselárıasynyń meńgerýshisi Saı Sı erip júr. Ekeýi de QKP OK Saıası búrosy Turaqty komıtetiniń músheleri.
