Tanymal qazaqstandyq trevel-bloger Dastan Muhamedrahym qýanyshty jańalyǵyn bólisti, dep habarlaidy Dalanews.kz.
“Súiinshi, qazaq eli! Dastan uldaryńyz álemdegi eń úzdik trevel-bloger atandy. Nege deseńizder, jańa ǵana poshtaǵa Frantsiiada Kann festivalimen qatar ótetin marapatqa shaqyrtý keldi. Sol jerde Habi Leim, Býrak, Nýsret sekildi tanymal tulǵalar da marapat alǵan. Biyl bul marapat bizge buiyryp tur. Demek, Frantsiiaǵa jol tartamyz”, - dedi ol.
Blogerdiń sózinshe, bul sharada túrli baǵyttaǵy kontent avtorlary marapattalady.
“Atap aitqanda, feshn-bloger, laifstail-bloger jáne trevel-bloger. Biz trevel baǵyty boiynsha úzdik atanyp otyrmyz. Onyń ústine, sol ýaqytta Kann festivali ótip jatady, Gollivýd juldyzdarymen, sonyń ishinde Leonardo Di Kapriomen birge kontent jasaý múmkindigi de bar.
Negizi, 2026 jyl qazaq eli úshin óte keremet bastaldy. Muny da elge qosqan úlesimizdiń biri dep bilemiz”, - dep qosty ol.
