Sýrdlimpiadada el namysyn qorǵaǵan qazaqstandyq sportshylarǵa 5,5 mlrd teńge kóleminde memlekettik qoldaý kórsetiledi, dep habarlaidy Dalanews.kz.
Týrizm jáne sport ministrliginiń málimetinshe, XXV jazǵy Sýrdlimpiada oiyndarynda Qazaqstan atynan 8 sport túri boiynsha 78 sportshy baq synaǵan. 2025 jyly olardyń daiyndyǵy úshin memleket esebinen 21 oqý-jattyǵý jiyny uiymdastyrylyp, tolyq qarjylandyrylǵan. Oǵan sporttyq kiim-keshek, meditsinalyq súiemeldeý, qural-jabdyqtar jáne jarysqa barý shyǵyndary kirgen. Bul maqsatqa barlyǵy 513 mln teńge bólingen.
Ministrlikte atap ótkendei, oiyndar qorytyndysy boiynsha sportshylar men bapkerlerge tólenetin syiaqynyń jalpy qory 5,5 mlrd teńgeni quraidy.
«Bul qarajat sportshylar men olardyń jattyqtyrýshylaryna belgilengen tártippen tolyq kólemde tólenedi. Sonymen qatar chempiondar men júldegerler, bapkerler men sport qaýymdastyǵynyń ókilderi Premer-ministrdiń qabyldaýynda bolyp, memlekettik nagradalarmen jáne Prezident atynan alǵys hattarmen marapattaldy», – delingen resmi jaýapta.
Qazirgi tańda 24 sportshyǵa «Qazaqstannyń eńbek sińirgen sport sheberi» ataǵy berilgen. Qalǵan 12 úmitkerge qatysty sheshim zań talaptaryna sai qabyldanatyny aityldy.
