Aty ańyzǵa ainalǵan aktrisa Merýert Ótekeshova ǵalym ári saiahatshy Shoqan Ýálihanov týraly túsiriletin "Shoqan" atty kórkem-derekti dramada ról somdaidy. Kartina tolyqmetrajdy bolady. Jaqynda filmge arnalǵan onlain-kasting aiaqtalǵan. Jobanyń avtory – jýrnalist Maiia Bekbaeva, dep habarlaidy dalanews.kz.
Filmniń Instagram-daǵy resmi paraqshasynda jazylǵandai, Ótekeshova Ýálihanovtyń ájesi – Aiǵanym Sarǵaldaqqyzynyń róline bekitilgen. Bekbaeva filmdi "Jetisý" telearnasy úshin Prezidenttik bastamalar qorynyń "Dara" qorynyń qoldaýymen túsiredi. Kartinanyń ekranǵa qashan shyǵatyny ázirge naqtylanbaǵan.
Tarihshylardyń pikirinshe, Aiǵanym Sarǵaldaqqyzy Shoqan Ýálihanovtyń tulǵa bolyp qalyptasýyna úlken yqpal etken. Dál osy ájesi Shoqandy 12 jasynda Omby kadet korpýsyna oqýǵa jiberýdi qoldaǵan.
Filmdegi basty róldi akter Erlan Qulmyrzin somdaidy. Ol "Sálem, Eýropa" jáne "Patsany" sekildi qazaqstandyq kartinalar arqyly kórermenge tanys.
