Mańǵystaý oblysynyń ortalyǵyna jaqyn ornalasqan Shetpe aýyly nóser jańbyrdyń kesirinen sýǵa batyp jatyr.
Birneshe saǵat boiy tolassyz jaýǵan jaýynnan keiin eldi meken kóshelerin lai sý basyp, aýyl turǵyndary balshyqtan belýarǵa deiin batýǵa májbúr bolǵan, dep habarlaidy Dalanews.kz.
Jergilikti jurttyń aitýynsha, jańbyrdyń saldarynan aýyl ishindegi joldardy shaiyp, kóshelerdi qýalai aqqan lai sý úilerdiń aýlasyn, kólik turaǵyn da aiamai basqan. Ásirese, aýyldyń temirjol boiynda ornalasqan aimaqtary qatty zardap shekken.
Áleýmettik jelilerde taraǵan videolardan Shetpe turǵyndarynyń kólikterin laidan shyǵara almai áýrege túsip jatqanyn kórýge bolady.
«Aýyl túgelimen sýda qaldy. Balshyqqa batyp, kóshede júrý múmkin emes. Tóbeden quiylǵan sýdan qashyp úlgermedik», – deidi jergilikti turǵyndar.
Ázirge resmi organdar bul jaǵdaiǵa qatysty túsinikteme bermegen. Turǵyndar qutqarýshylardyń áreketsizdigine narazy.
Aita keteiik, «Qazgidromet» mamandary 27 shilde kúni Mańǵystaý oblysynyń soltústik, ortalyq jáne batys bólikterinde kún kúrkirep, jańbyr jaýatynyn aldyn ala eskertken bolatyn. Sinoptikterdiń habarlaýynsha, 28 shildede de oblystyń soltústik-batys aýmaǵynda jaýyn-shashyn saqtalady.
Al nóser jańbyr saldarynan aýyldaǵy temirjol mańynda sý aǵyp, kólik joldaryn da shaiyp ketken.
Osy máselege qatysty «Qazaqstan temir joly» kompaniiasy resmi málimdeme jasady:
«Temirjol boiyna jaqyn jerde tasqyn sý júrgenimen, temirjoldyń ózi aman. Relsterdi shaiyp ketý qaýpi joq. Qazir bul aýmaqta jol jóndeýshi brigadalar men arnaiy tehnika kúndiz-túni kezekshilik atqarýda. Ýaqytsha eskertý belgileri qoiylyp, qaýipsizdik sharalary kúsheitilgen. Jolaýshylar men júk tasymaldaýshy poiyzdardyń qozǵalysy qalypty, eshqandai kidiris joq», – delingen habarlamada.
Jaýynnan zardap shekken aýyl turǵyndary ázirge kómek kelmegenin aityp, jergilikti biliktiń áreket etýin talap etýde. Turǵyndarǵa saq bolý jáne shalǵai joldarǵa shyqpaý usynylady.
Mańǵystaý aýdanyń ákimdiginiń málimetinshe, qatty jaýyn-shashyn saldarynan sýdyń kólemi artyp, arnadan asyp ketken. Ásirese Jańaorpa jáne Ashybulaq shaǵyn aýdandarynda birneshe úi men aýla aýmaǵyn sý basyp qalǵan.
«Qazirgi ýaqytqa deiin aýdandyq №8 órt sóndirý bóliminiń 101 jedel jelisine turǵyndardan 15 habarlama kelip tústi. Atalǵan mekeme men aýyl ákimdigi birlesip, motopompa jáne basqa da qurylǵylardyń kómegimen sýdy sorý jumystaryn jalǵastyrýda», – dep túsindirdi ákimdik ókilderi.
Sonymen qatar, jaýapty mekemeler jaǵdaidy jiti baqylaýda ustap otyrǵanyn jáne sý basqan aýmaqtarǵa qosymsha kómek jiberilgenin jetkizdi. Ákimdik mamandary aldaǵy kúnderi de aýa raiy qubylystarynyń aldyn alý boiynsha kezekshilik jumystary uiymdastyrylatynyn habarlady.
