Shyǵys óńirinde sońǵy kúnderi jaýyn-shashyn molaidy. Sonyń saldarynan ózen-sýlardyń deńgeii kóterildi. Resmi derek boiynsha, Altai aýdanynda – 11, Katonqaraǵai aýdanynda 6 eldi mekenge sý basý qaýpi tóngen. Alaida bul joly da jergilikti atqarýshy organ men tótenshe qyzmet ókilderiniń úilesimdi is-qimyly tyǵyryqtan alyp shyqty, dep habarlaidy Dalanews.kz.
Atalǵan aýdandarda birde-bir turǵyn úige sý kirgen joq.
Jaýyn-shashynnyń mol túsýinen Buqtyrma ózeni tasyp, oǵan qosa jerasty sýlarynyń deńgeii kóterilip, Altai aýdanynyń Zýbovka kentinde birneshe turǵyn úige tasqyn qaýpi tóngen.
Atap aitqanda, bes turǵyn úige jáne 24 úidiń aýlasyna sý kirýi yqtimal bolǵan. Jaýapty mamandar jedel ári jumyla áreket etti. Buqtyrma ózeniniń jaǵalaýy nyǵaitylyp, tasqynǵa qarsy tiisti jumystardyń der kezinde júrgizilýi nátijesinde qaýip seiildi. Jergilikti atqarýshy bilik pen tiisti qyzmetterdiń ókilderi jaǵdaidy baqylaýǵa alǵan.
Qazir atalǵan eldi mekende jaǵdai turaqty.
Biyl oblys aýmaǵynda qar shamadan tys qalyń bolǵanyn aita ketken jón. Ásirese taýly aimaqtarda ornalasqan Marqakól, Altai, Glýbokoe, Samar aýdandary men Ridder qalasy qasat qardyń astynda qaldy.
Aq ulpa jamylǵysynyń qalyńdyǵy kópjyldyq ortasha mánnen 1,5-2 ese asyp túskendikten, Shyǵys Qazaqstan kóktemgi sý tasqyny qaýpi basym aimaqtar qatarynan sanalǵan. Alaida mamandar sý tasqynynyń alǵashqy eki kezeńin eńserip, úshinshi tolqynǵa da tosqaýyl qoiyp jatyr. Munyń bári der kezinde júzege asyrylǵan aldyn alý sharalarynyń nátijesi ekeni anyq. Qazaqstan gidrogeologtar qaýymdastyǵynyń prezidenti Daniiar Jumabekov te tasqynǵa tas-túiin daiyn bolǵan jalǵyz óńiri Shyǵys ekenin erekshe atap aitqan.
