Búgin Kókshetaýda sý basý aimaǵynda qalǵan zardap shekken turǵyndarǵa páter kiltteri tapsyryldy, dep habarlaidy Dalanews.kz.
Páter kiltterin Aqmola oblysynyń ákimi Marat Ahmetjanov tabys etti, ol memleket zalaldy azaitý úshin barlyq sharalardy qoldanyp jatqanyn atap ótti.
«Memleket basshysynyń tapsyrmasy boiynsha Aqmola oblysynda azamattardyń qaýipsizdigin qamtamasyz etý jáne olardyń qajettilikterin sheshý boiynsha úlken jumys júrgizilýde. Búgin siz páter alǵan alǵashqy adam boldyńyz. Otbasylaryńyzda bári jaqsy bolyp, qiynshylyqtar artta qalsyn», - dedi Marat Ahmetjanov.
Memlekettik qordan alǵashqy turǵyn úi alýshylar Qaparovtar jáne Nikýlinder kópbalaly otbasylary boldy. Alynǵan páterlerdi turǵyndar ózderi tańdady. Páterde turý úshin qajet nárseniń bári bar.
«Prezidentke bizdiń máselelerimizdi tez sheshkeni úshin alǵys aitamyz. Bizdiń otbasymyz úshin bul úlken qýanysh, balalar riza, barlyǵyna úlken rahmet. Biz óz tarapymyzdan osy úide tek qýanyshty sátterdiń bolýyna tyrysamyz», - dedi Sáýle Qaparova.
Memleket basshysynyń tapsyrmasy boiynsha Aqmola oblysynda zardap shekkenderge barlyq qajetti qoldaý kórsetiletinin jáne azamattardyń múlkin qalpyna keltirý boiynsha barlyq sharalar qoldanylyp jatqanyn atap ótken jón.
Óńirde shyǵyndardy óteý jáne joiý jónindegi jumys turǵyn úi qatynastary týraly qoldanystaǵy zańnama sheńberinde jalǵastyrylatyn bolady.
Keshe oblys ortalyǵynyń 174 otbasy
65 mln. teńgeden astam somaǵa birjolǵy tólem aldy. Sondai-aq, materialdyq shyǵyndardy baǵalaý jáne óteý jónindegi komissiia.
12 otbasyna 8 mln. teńgeden astam kólemde materialdyq zalaldy óteý týraly sheshim shyǵardy.
Sonymen qatar, arnaiy komissiia qazirgi ýaqytta turǵyn úidiń odan ári turýǵa jaramdylyǵyn anyqtaý boiynsha tehnikalyq tekserýler júrgizýde.
