Qazaqstan Úkimeti sý tasqyny saldaryn joiý jáne zardap shekken azamattarǵa jan-jaqty kómek kórsetý boiynsha jumysty jalǵastyrýda.
31 552 otbasy 100 AEK mólsherinde birjolǵy tólem aldy.
717 otbasy qiraǵan baspanasynyń ornyna jańa úi men páterge ie boldy. Máselen, Qostanai oblysynyń turǵyndaryna 298 úi/páter usynylsa, Aqmola oblysynda — 85, Aqtóbe oblysynda — 121, Soltústik Qazaqstan oblysynda — 135, Batys Qazaqstan oblysynda — 70, Qaraǵandy oblysynda — 6, Pavlodar oblysynda — 2 jańa baspana berildi. Zardap shekken turǵyndarǵa arnap shamamen 1 862 jańa úi salynyp jatyr.
3 981 otbasy turǵyn úiin jóndeýge jáne qalpyna keltirýge dep ótemaqy aldy.
5 066 otbasyna joǵalǵan asa qajetti dúnie-múlkin satyp alý úshin 150 AEK mólsherinde qosymsha kómek kórsetildi.
Budan basqa, zardap shekken 34 ShOB sýbektisiniń jalpy somasy 377 mln teńgelik shyǵyny óteldi. Barlyq oblysta óńirlik jáne aýdandyq komissiialar jumys istep jatyr. Shyǵyndardy óteý jáne qujattardy tapsyrý tártibin túsindirý úshin 1432 nómiri boiynsha «Atameken» QR UKP «jedel jelisi» iske qosylǵan.
