سۋ تاسقىنىنان زارداپ شەككەن 717 وتباسىنا جاڭا ءۇي مەن پاتەر بەرىلدى

جاربول كەنت ۇلى 05 ماۋ. 2024 10:12 1190

قازاقستان ۇكىمەتى سۋ تاسقىنى سالدارىن جويۋ جانە زارداپ شەككەن ازاماتتارعا جان-جاقتى كومەك كورسەتۋ بويىنشا جۇمىستى جالعاستىرۋدا.

31 552 وتباسى 100 اەك مولشەرىندە ءبىرجولعى تولەم الدى.

717 وتباسى قيراعان باسپاناسىنىڭ ورنىنا جاڭا ءۇي مەن پاتەرگە يە بولدى. ماسەلەن، قوستاناي وبلىسىنىڭ تۇرعىندارىنا 298 ءۇي/پاتەر ۇسىنىلسا، اقمولا وبلىسىندا — 85، اقتوبە وبلىسىندا — 121، سولتۇستىك قازاقستان وبلىسىندا — 135، باتىس قازاقستان وبلىسىندا — 70، قاراعاندى وبلىسىندا — 6، پاۆلودار وبلىسىندا — 2 جاڭا باسپانا بەرىلدى. زارداپ شەككەن تۇرعىندارعا ارناپ شامامەن 1 862 جاڭا ءۇي سالىنىپ جاتىر.

3 981 وتباسى تۇرعىن ءۇيىن جوندەۋگە جانە قالپىنا كەلتىرۋگە دەپ وتەماقى الدى.

5 066 وتباسىنا جوعالعان اسا قاجەتتى دۇنيە-مۇلكىن ساتىپ الۋ ءۇشىن 150 اەك مولشەرىندە قوسىمشا كومەك كورسەتىلدى.

بۇدان باسقا، زارداپ شەككەن 34 شوب سۋبەكتىسىنىڭ جالپى سوماسى 377 ملن تەڭگەلىك شىعىنى وتەلدى. بارلىق وبلىستا وڭىرلىك جانە اۋداندىق كوميسسيالار جۇمىس ىستەپ جاتىر. شىعىنداردى وتەۋ جانە قۇجاتتاردى تاپسىرۋ ءتارتىبىن ءتۇسىندىرۋ ءۇشىن 1432 ءنومىرى بويىنشا «اتامەكەن» ق ر ۇكپ «جەدەل جەلىسى» ىسكە قوسىلعان.

 


ۇسىنىلعان
سوڭعى جاڭالىقتار