Sý tasqynynan keıin 356 otbasy qıraǵan baspanasynyń ornyna turǵyn úı men páter aldy. Bul týraly Úkimetti aıtyldy, - dep habarlaıdy Dalanews.kz.

Úkimet sý tasqynynan zardap shekken azamattarǵa keltirilgen shyǵyndy óteý jumystaryn jalǵastyryp jatyr.

"Búgingi tańda 29 625 otbasy 10,7 mlrd teńgeden asa somaǵa 100 AEK mólsherinde birjolǵy tólem aldy, barlyǵy 30 912 ótinim qabyldandy. Bul jumystar Qostanaı, Aqtóbe, Aqmola, Batys Qazaqstan, Qaraǵandy, Pavlodar, Abaı jáne Ulytaý oblystarynda tolyǵymen aıaqtaldy. Jumys Atyraý jáne Soltústik Qazaqstan oblystarynda jalǵasyp jatyr", - dep jazylǵan habarlamada.

Zardap shekken óńirlerde 8 863 nysan boıynsha zalaldy baǵalaý jumystary aıaqtalǵan.

"356 otbasy jańa úıler men páterlerge ıe boldy. 1 472 úı salynyp jatyr. 1 389 úıde jóndeý jumystaryn júrgizýge 5,2 mlrd teńgeden astam qarajat bólindi. 3 804 otbasy materıaldyq shyǵyn úshin jalpy somasy 657 mln teńgege ótemaqy aldy", - dep jazylǵan habarlamada.

Aıta ketý kerek, mal shyǵyny úshin berilgen tólem kólemi 1,6 mlrd teńgege jetti. Keltirilgen zıandy óteý jumystary jalǵasyp jatyr jáne turaqty baqylaýǵa alynǵan.