سۋ تاسقىنىنان كەيىن 356 وتباسى قيراعان باسپاناسىنىڭ ورنىنا تۇرعىن ءۇي مەن پاتەر الدى. بۇل تۋرالى ۇكىمەتتى ايتىلدى، - دەپ حابارلايدى Dalanews.kz.

ۇكىمەت سۋ تاسقىنىنان زارداپ شەككەن ازاماتتارعا كەلتىرىلگەن شىعىندى وتەۋ جۇمىستارىن جالعاستىرىپ جاتىر.

"بۇگىنگى تاڭدا 29 625 وتباسى 10،7 ملرد تەڭگەدەن اسا سوماعا 100 اەك مولشەرىندە ءبىرجولعى تولەم الدى، بارلىعى 30 912 ءوتىنىم قابىلداندى. بۇل جۇمىستار قوستاناي، اقتوبە، اقمولا، باتىس قازاقستان، قاراعاندى، پاۆلودار، اباي جانە ۇلىتاۋ وبلىستارىندا تولىعىمەن اياقتالدى. جۇمىس اتىراۋ جانە سولتۇستىك قازاقستان وبلىستارىندا جالعاسىپ جاتىر"، - دەپ جازىلعان حابارلامادا.

زارداپ شەككەن وڭىرلەردە 8 863 نىسان بويىنشا زالالدى باعالاۋ جۇمىستارى اياقتالعان.

"356 وتباسى جاڭا ۇيلەر مەن پاتەرلەرگە يە بولدى. 1 472 ءۇي سالىنىپ جاتىر. 1 389 ۇيدە جوندەۋ جۇمىستارىن جۇرگىزۋگە 5،2 ملرد تەڭگەدەن استام قاراجات ءبولىندى. 3 804 وتباسى ماتەريالدىق شىعىن ءۇشىن جالپى سوماسى 657 ملن تەڭگەگە وتەماقى الدى"، - دەپ جازىلعان حابارلامادا.

ايتا كەتۋ كەرەك، مال شىعىنى ءۇشىن بەرىلگەن تولەم كولەمى 1،6 ملرد تەڭگەگە جەتتى. كەلتىرىلگەن زياندى وتەۋ جۇمىستارى جالعاسىپ جاتىر جانە تۇراقتى باقىلاۋعا الىنعان.