Memleket basshysy Qasym-Jomart Toqaev sý resýrstarynyń azaiýy búginde álemdik deńgeidegi kúrdeli máselege ainalǵanyn, al taiaý ýaqytta bul jaǵdai Orta Aziia elderi úshin eń ózekti syn-qater bolýy yqtimal ekenin aitty, dep habarlaidy Dalanews.kz.
Prezidenttiń aitýynsha, ózen-sýlar — barsha halyqqa ortaq igilik, sondyqtan olardy tiimdi paidalaný úshin jańa tásilder qajet.
“Sýarý júielerine tsifrlyq baqylaý ornatý, tamshylatyp sýarý ádisin keńinen qoldaný jáne sý qoimalarynyń tiimdiligin arttyrý jóninde birlesken baǵdarlama qabyldaýǵa bolady. Qazir Kaspii teńizi tartylyp bara jatqanyn bárimiz bilemiz. Buǵan bárimiz alańdap otyrmyz. Qart Kaspii túrki jurtynyń arasyndaǵy dáneker ispetti. Alaida teńiz deńgeiiniń tómendeýi aimaqtyń ekologiiasy men ekonomikasyna keri áserin tigizip otyr. Bul — jahandyq aýqymdaǵy másele”, – dedi Toqaev.
Memleket basshysy bul taqyrypty buǵan deiin Shanhai yntymaqtastyq uiymynyń sammitinde jáne BUU Bas Assambleiasynyń sessiiasynda da kótergenin atap ótti. Ol túrki elderin Kaspiidiń ekojúiesin saqtaý jáne óńirlik ekologiialyq qaýipsizdikti qamtamasyz etý baǵytynda kúsh biriktirýge shaqyrdy.
“Biz tamyrlas jáne shekaralas elder retinde Kaspii teńiziniń ahýalyn jaqsartýǵa erekshe mán berýimiz kerek. Osy baǵytta birlesken jobalar ázirlep, halyqaralyq bastamalardy qoldaý mańyzdy”, – dedi Prezident.
Sondai-aq Qasym-Jomart Toqaev kelesi jyly Birikken Ulttar Uiymynyń qoldaýymen "Turaqty bolashaq jolyndaǵy ortaq kózqaras" atty óńirlik sammit ótkiziletinin málimdedi. Onyń aitýynsha, Qazaqstan túrki memleketteriniń bul sammitke joǵary deńgeide belsendi qatysatynyna úmit artady.
