Almatyda aýdan prokýratýrasy Q.Sátbaev atyndaǵy QazUTZÝ (KazNITÝ) jataqhanasyn qaitardy, dep habarlaidy Dalanews.kz.
Túrksib aýdanynyń prokýratýrasy "Q.Sátbaev atyndaǵy Qazaq ulttyq tehnikalyq zertteý ýniversiteti" KEAQ múlki zańsyz ielikten shyǵarylǵanyn anyqtady.
Jataqhana jetispeýshiligine qaramastan, ýniversitettiń burynǵy basshylyǵy tender uiymdastyrmastan jáne ony ótkizbesten jalpy aýdany 2500 m2 asa jataqhanany jeke JOO-ǵa zańsyz jalǵa paidalanýǵa bergen.
"Keiin mámile jasasý kezinde qoldanystaǵy zańnama talaptaryn buzyp, JOO osy úi-jaidy satyp alǵan. Ǵimarat jataqhana maqsatyna sai paidalanylmai, biznestiń túrli salalaryna jalǵa berilgen", - dep jazylǵan habarlamada.
Sottyń zańdy kúshine engen sheshimderimen daýly ákimshilik ǵimarat ulttyq ýniversitetke qaitaryldy.
