Stýdentter ósimdik maiynan biootyn alýdyń tyń tásilin tapty
Nazerke Halel men Mýnisa Saidiganievanyń «Kúnbaǵys maiynan biootyn alýdyń mańyzy» taqyrybyndaǵy ǵylymi jobasy alǵash ret «Farabi álemi» atty jas ǵalymdar men stýdentterdiń halyqaralyq konferentsiiasynda tanystyrylǵan bolatyn.
Ǵylymi joba avtorlarynyń aitýynsha, biootynnyń paidasy men mańyzy zor ári qorshaǵan ortaǵa tigizetin ziiany az.
– Tabiǵi qorlar men energetikalyq resýrstardyń sarqylý múmkindigi paida bolǵannan keiin adamzat olardy únemdeýge jáne balamaly qýat kózderin oilap tabýǵa tyrysýda. Sońǵy jyldary álemniń birqatar damyǵan elderinde biootyn óndirý qarqyndy túrde damyp keledi. Bul beker emes. Sebebi, biootyn – jańartylǵan energiianyń kózi, ekologiialyq máselelerdi sheshýdiń tiimdi joly. Ári arzan jáne qoljetimdi. Ýaqyt ótken saiyn damyp kele jatqan qoǵam munai men kómir ónimderinen góri adamǵa da, qorshaǵan ortaǵa da paidaly otyn túrin qoldanǵandy jón kóredi. Sol sebepti de biz osy ǵylymi-zertteý jobasyn júzege asyrýdy jón kórdik, – dep atap ótti stýdentter.
Ál-Farabi atyndaǵy Qazaq ulttyq ýniversitetinde ótken dástúrli jiynda Qyzdar ýniversitetiniń bilimgerleriniń jobasy qazylar alqasy tarapynan joǵary baǵalanyp, úshinshi orynǵa ie boldy.
– Búginde jas ǵalymdar «Himiia» mamandyǵy boiynsha bilim alady. Bul olardyń ǵylym jolyndaǵy alǵashqy jetistigi. Stýdentter tyń jobany aldaǵy ýaqytta Jaratylystaný fakýltetiniń bazasyndaǵy zerthanada jetildirip, bolashaqta Start up jobalarǵa qatysýdy josparlap otyr, – deidi stýdentterdiń ǵylymi jetekshisi.
Osy oraida aita keteiik, qorshaǵan ortaǵa ziiansyz otyndy óndirýshi elderdiń sany jyl ótken saiyn artyp keledi jáne otyndy óndirý kólemi sońǵy ýaqytta ósip otyr. Ádette biootyn túrli ósimdikterden alynady. Aitalyq osy otyndy eń kóp óndiretin Braziliia qant qamysynan alsa, AQSh-ta ony júgeriden óndiredi. Árine, atalǵan otyn túrin óndirýge degen Qazaqstannyń da ynta-yqylasy Eýropa elderinen kem emes. Qazaqstan bioetanoldy óndirý isine eksportqa baǵyttalǵan taýar retinde basymdyq berip otyr. Budan buryn elimiz óndirgeli otyrǵan bioetanoldy bidaidan alatyny belgili bolǵan-tyn.
