نازەركە حالەل مەن مۋنيسا سايديگانييەۆانىڭ «كۇنباعىس مايىنان بيووتىن الۋدىڭ ماڭىزى» تاقىرىبىنداعى عىلىمي جوباسى العاش رەت «فارابي الەمى» اتتى جاس عالىمدار مەن ستۋدەنتتەردىڭ حالىقارالىق كونفەرەنسياسىندا تانىستىرىلعان بولاتىن.
عىلىمي جوبا اۆتورلارىنىڭ ايتۋىنشا، بيووتىننىڭ پايداسى مەن ماڭىزى زور ءارى قورشاعان ورتاعا تيگىزەتىن زيانى از.
– تابيعي قورلار مەن ەنەرگەتيكالىق رەسۋرستاردىڭ سارقىلۋ مۇمكىندىگى پايدا بولعاننان كەيىن ادامزات ولاردى ۇنەمدەۋگە جانە بالامالى قۋات كوزدەرىن ويلاپ تابۋعا تىرىسۋدا. سوڭعى جىلدارى الەمنىڭ ءبىرقاتار دامىعان ەلدەرىندە بيووتىن ءوندىرۋ قارقىندى تۇردە دامىپ كەلەدى. بۇل بەكەر ەمەس. سەبەبى، بيووتىن – جاڭارتىلعان ەنەرگيانىڭ كوزى، ەكولوگيالىق ماسەلەلەردى شەشۋدىڭ ءتيىمدى جولى. ءارى ارزان جانە قولجەتىمدى. ۋاقىت وتكەن سايىن دامىپ كەلە جاتقان قوعام مۇناي مەن كومىر ونىمدەرىنەن گورى ادامعا دا، قورشاعان ورتاعا دا پايدالى وتىن ءتۇرىن قولدانعاندى ءجون كورەدى. سول سەبەپتى دە ءبىز وسى عىلىمي-زەرتتەۋ جوباسىن جۇزەگە اسىرۋدى ءجون كوردىك، – دەپ اتاپ ءوتتى ستۋدەنتتەر.
ءال-فارابي اتىنداعى قازاق ۇلتتىق ۋنيۆەرسيتەتىندە وتكەن ءداستۇرلى جيىندا قىزدار ۋنيۆەرسيتەتىنىڭ بىلىمگەرلەرىنىڭ جوباسى قازىلار القاسى تاراپىنان جوعارى باعالانىپ، ءۇشىنشى ورىنعا يە بولدى.
– بۇگىندە جاس عالىمدار «حيميا» ماماندىعى بويىنشا ءبىلىم الادى. بۇل ولاردىڭ عىلىم جولىنداعى العاشقى جەتىستىگى. ستۋدەنتتەر تىڭ جوبانى الداعى ۋاقىتتا جاراتىلىستانۋ فاكۋلتەتىنىڭ بازاسىنداعى زەرتحانادا جەتىلدىرىپ، بولاشاقتا Start up جوبالارعا قاتىسۋدى جوسپارلاپ وتىر، – دەيدى ستۋدەنتتەردىڭ عىلىمي جەتەكشىسى.
وسى ورايدا ايتا كەتەيىك، قورشاعان ورتاعا زيانسىز وتىندى ءوندىرۋشى ەلدەردىڭ سانى جىل وتكەن سايىن ارتىپ كەلەدى جانە وتىندى ءوندىرۋ كولەمى سوڭعى ۋاقىتتا ءوسىپ وتىر. ادەتتە بيووتىن ءتۇرلى وسىمدىكتەردەن الىنادى. ايتالىق وسى وتىندى ەڭ كوپ وندىرەتىن برازيليا قانت قامىسىنان السا، اقش-تا ونى جۇگەرىدەن وندىرەدى. ارينە، اتالعان وتىن ءتۇرىن وندىرۋگە دەگەن قازاقستاننىڭ دا ىنتا-ىقىلاسى ەۋروپا ەلدەرىنەن كەم ەمەس. قازاقستان بيوەتانولدى ءوندىرۋ ىسىنە ەكسپورتقا باعىتتالعان تاۋار رەتىندە باسىمدىق بەرىپ وتىر. بۇدان بۇرىن ەلىمىز وندىرگەلى وتىرعان بيوەتانولدى بيدايدان الاتىنى بەلگىلى بولعان-تىن.
