S.Trumov: «Biyl Mańǵystaý oblysynda óńdeý ónerkásibi boiynsha 7 joba júzege asyrylady»
Oǵan kásipkerlikti qoldaý kartasy sheńberinde iske qosylǵan jańa jobalardy júzege asyrý, jumys istep turǵan iri kásiporyndarynyń óndiris kólemin ulǵaitý jáne jańa ónim túrlerin igerý esebinen qol jetkizildi. 2021 jylǵy qańtar-aqpanda salanyń naqty kólemi 2020 jyldyń osy kezeńimen salystyrǵanda 103,3%-ǵa ósken.
Sondai-aq, biyl óńdeý ónerkásibi salasynda 183 mlrd. teńge kóleminde ónim shyǵaryp, naqty kólem indeksin – 103,5% jetkizý josparlanyp otyr. Bul maqsatqa qol jetkizý úshin 2021 jylǵa arnalǵan oblys ekonomikasynyń negizgi sektorlaryn damytý jónindegi is-qimyl jospary ázirlendi.
Atap aitsaq, 2025 jylǵa deiin 19 investitsiialyq jobany iske asyrý josparlanyp otyr. 282,4 mlrd teńgeni quraityn jobalardyń arqasynda 1400-den astam jańa jumys orny ashylady. Onyń ishinde biyl 21,1 mlrd teńgeniń 7 jobasy iske qosylyp, 240-tan astam jańa jumys oryny qurylady. Atap aitsaq;
1) «Aktau Petroleum» JShS munai-himiia kesheni
2) «QazAzot» AQ ammiak selitrasyn beitaraptandyrý jáne býlandyrý bólimshesi
3) «Aqtaý-Agro» JShS qus fabrikasy
4) Munaily aýdanynda «Jamalbek» JShS qurama jem zaýyty
5) «WestEcoPlast» JShS BIG begterdiń jumsaq qaptama ydysyn óndirý zaýyty
6) «Dostyq polimer Pliýs» JShS polimerlik qaptama óndirisi boiynsha zaýyt
7) «KazEcoBuild» JShS termopanel óndirý tsehy
