Qazaqstanda stomatologiialyq klinikalardy aýqymdy tekserý nátijesinde 104 meditsinalyq mekeme litsenziialaryn óz erkimen tapsyrdy, dep habarlaidy dalanews.kz.
Densaýlyq saqtaý ministrliginiń málimetinshe, taǵy 38 stomatologiialyq uiymǵa qatysty materialdar sotqa joldanǵan.
Tekserý jumystary 2025 jyldyń jeltoqsanynda bastaldy. Buǵan ata-analardyń balalarǵa jalpy narkozben em júrgizýge qatysty shaǵymdary sebep bolǵan. Osy ýaqytqa deiin el boiynsha 500 stomatologiialyq klinika tekserildi.
Qatań baqylaý sharalaryn engizýge 2024 jyly Astanada bolǵan qaiǵyly jaǵdai túrtki boldy. Sol kezde stomatologiialyq protsedýra kezinde jalpy narkoz alǵan úsh jasar qyz kóz jumǵan edi.
Tekserý barysynda litsenziialyq talaptardy buzý, qajetti ruqsat qujattarynyń bolmaýy jáne patsientterdiń qaýipsizdigine qatysty zańbuzýshylyqtar anyqtalǵan.
Densaýlyq saqtaý salasyndaǵy ýákiletti organdar tekserý jumystary aldaǵy ýaqytta da jalǵasatynyn jáne meditsinalyq qyzmetterdiń qaýipsizdigine erekshe nazar aýdarylatynyn málimdedi.
