قازاقستاندا ستوماتولوگييالىق كلينيكالاردى اۋقىمدى تەكسەرۋ نەتيجەسٸندە 104 مەديتسينالىق مەكەمە ليتسەنزييالارىن ٶز ەركٸمەن تاپسىردى, دەپ حابارلايدى dalanews.kz.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, تاعى 38 ستوماتولوگييالىق ۇيىمعا قاتىستى ماتەريالدار سوتقا جولدانعان.
تەكسەرۋ جۇمىستارى 2025 جىلدىڭ جەلتوقسانىندا باستالدى. بۇعان اتا-انالاردىڭ بالالارعا جالپى ناركوزبەن ەم جٷرگٸزۋگە قاتىستى شاعىمدارى سەبەپ بولعان. وسى ۋاقىتقا دەيٸن ەل بويىنشا 500 ستوماتولوگييالىق كلينيكا تەكسەرٸلدٸ.
قاتاڭ باقىلاۋ شارالارىن ەنگٸزۋگە 2024 جىلى استانادا بولعان قايعىلى جاعداي تٷرتكٸ بولدى. سول كەزدە ستوماتولوگييالىق پروتسەدۋرا كەزٸندە جالپى ناركوز العان ٷش جاسار قىز كٶز جۇمعان ەدٸ.
تەكسەرۋ بارىسىندا ليتسەنزييالىق تالاپتاردى بۇزۋ, قاجەتتٸ رۇقسات قۇجاتتارىنىڭ بولماۋى جەنە پاتسيەنتتەردٸڭ قاۋٸپسٸزدٸگٸنە قاتىستى زاڭبۇزۋشىلىقتار انىقتالعان.
دەنساۋلىق ساقتاۋ سالاسىنداعى ۋەكٸلەتتٸ ورگاندار تەكسەرۋ جۇمىستارى الداعى ۋاقىتتا دا جالعاساتىنىن جەنە مەديتسينالىق قىزمەتتەردٸڭ قاۋٸپسٸزدٸگٸنە ەرەكشە نازار اۋدارىلاتىنىن مەلٸمدەدٸ.
