Saiasatker Álihan Baimenov Altynbek Sársenbaevpen bailanysy jáne eks prezident Nazarbaevtyń qalai ses kórsetkeni týraly aitty, - dep habarlaidy Dalanews.kz.
Bul týraly Álihan Baimenov "Qasqa jol" YouTube-arnasyna bergen suhbatynda aitty.Baimenov Altynbek Sársenbaev qaitys bolǵan kúni kóńil aitýǵa barǵanyn aitady.
"Ol kezde ol ózi KazKomnyń kottedjder qalashyǵynda turatyn. Óz úii emes, ákesiniń úiinen shyǵaryldy. Estigen kúni Tóregeldi Sharmanov aǵamyz ekeýimiz kóńil aityp shyqtyq. Shyǵaryp salý rásimi kezinde de basyna baryp, kezekshilikke turdyq. 2006-ǵa deiingi ómir bar ǵoi. 1992-jyldan bastap dos boldyq. Men oblys ákiminiń orynbasary bolǵan kezimde ortalyqta 4-5 adam ǵana bolatyn aralasyp turatyn. Onyń basyna qaýip tóngen kezde qabyldaǵan sheshimderim – dostyǵymyzdyń nátijesi ǵoi. Ony ata-anasy da biledi. Sol sebepten de bolar 2003 jyly sol áýlette bir náreste ómirge keldi. Sonyń esimin Álihan dep qoidy. Sol kezde Alteke ákesimen bailanystyryp batasyn berdi", - deidi Álihan Baimenov.
Sonymen qatar, Álihan Baimenov Nazarbaevtyń "Otan" jáne "Aqjol" partiialaryn biriktirgisi kelgen kezderi týraly da aitty.
"Osy eldi men qurdym, sender de meniń qolymnan óttińder, osyndai dárejege jetip otyrsyńdar, qosylatyn ýaqyt keldi. Osymen sóz aiaqtaldy" degendei stoldy bir uryp, kabinetinen shyǵyp ketipti. Iaǵni bul "meniń aitqanymdy isteisińder" degendei belgi bolypty. Boldy ma mundai?", dep suraidy jýrnalist.
Álihan Baimenov Nazarbaev birneshe ret osyndai áńgimelerdi tuspaldap jetkizgen eken.
"Reformany qoldaisyńdar sender deitin. "Nur Otannyń" ishinde reformalyq kúshter álsirep ketti. Sender bolsańdar ǵoi deitin. Biz óz tarapymyzdan qaýipsizdik sharttaryn qoidyq. Keiin bárimizdi Almatyda da bir otyrysqa shaqyrdy. Kazkomnyń deldaldyǵymen. Sol jerge ana kisi de (Nazarbaev) kezdeisoq kelip qalyp júrgen kezder boldy. Sosyn ol kisi "senderdiń basshylyq quramdaryńa basqa laýazym ielerin kirgizgisi kelip júrdi. Ondai kelissózder júrip jatty", - deidi Baimenov.
Odan bólek, Baimenov Bolat Ábilovtiń aiyptaýlaryna jaýap berdi. El arasynda Álihan Baimenov "Aqjoldy" Nur Otanǵa qosaiyq dep usynys jasaǵan degen áńgime taraǵan kórinedi.
"Kompartiia bilikte bolǵan kezde ol (Bolat Ábilov) kompartiia múshesi boldy. Nur Otan bilikte bolǵan kezde prezidenttiń qalamsabyn 1 million jollarǵa satyp alady. Sonyń nátijesi bolsa kerek Nur Otannan Májilis depýtaty bolady. Ózi neshe partiiada bolǵany esinde me eken? Sondyqtan ol – nartsis, aita beredi", - deidi Baimenov.
