Biyl tamyz aiynda «Kazahstanskaia» shahtasynda bolǵan órt saldarynan 4 adam baqilyq boldy.
Osyndai kezde Úkimet qaida qarap otyr degen suraq týyndaýy zańdy.
Sarapshylardyń aitýynsha, bul apattardyń barlyǵy óndiristik qaýipsizdik erejelerin saqtamaýdan týyndaǵan. Bul týraly kompaniiaǵa memleket tarapynan talai aýdit júrgizilip, monitoring jasaldy, kompaniia basshylyǵyna talai eskertý jasaldy, aiyppuldar salyndy.
Tamyz aiyndaǵy apattan soń Prezident atyshýly kompaniianyń ornyna basqa investor tabý týraly Úkimetke tapsyrma bergen. Túndegi apattan soń «ArsellorMittalTemirtaý» kompaniiasymen investitsiialyq kelisimdi buzý týraly sheshim qabyldandy. Bul kópshiliktiń kópten kútken jańalyǵy bolǵanymen, mundai sheshim bir kúnde qabyldanbaidy, sebebi onyń quqyqtyq astary kóp.
Shamasy, byltyrdan beri júrgizilgen tekserýler men birneshe aidan bergi kelissózderdiń nátijesi osyǵan ákeldi.
Osy tusta eskeretin birneshe másele bar. «ArsellorMittal»-dyń ornyna kim keledi? Otandyq investor bolsa, quba-qup.
Ekinshi másele – kompaniiaǵa qarasty ken oryndaryna tolyq tekserý júrgizip, eńbek qaýipsizdigin qamtamasyz etý kerek. Memleket úshin azamattardyń ómiri men qaýipsizdigi eń birinshi kezekte turǵan másele. Bul rette Prezidenttiń apat ornyna dereý jetip, bar jaǵdaiǵa ózi qanyǵyp, naqty aqparatty alýy, shuǵyl sheshim qabyldaýy – quptarlyq.
Taǵy bir másele – memlekettiń halyqaralyq biznes-qaýymdastyq aldyndaǵy investitsiialyq bet-beinesin saqtap qalý, Qazaqstannyń ekonomikasyna qarjysyn salýǵa daiyn, óz isine adal sheteldik investorlardy tartý.
Buǵan deiin «ArsellorMittal» ken oryndaryndaǵy óndiris qaýipsizdigin saqtaýǵa qatysty, jergilikti halyqtyń densaýlyǵyna tigizgen ziian men qorshaǵan ortany lastaýdy azaitýǵa qatysty berilgen shaǵymdar men eskertýlerdi durys oryndaǵan joq. Muny dáleldeitin aiǵaq jetkilikti. Sonda da onymen kelisim-shartty birjaqty túrde buzý halyqaralyq deńgeidegi janjalǵa aparmaýyn qadaǵalaý kerek.
Keshe ǵana qamaýǵa alynǵan eks-ministrdiń isinen belgili: sheteldik kásipker Statimen bolǵan sotta Qazaqstan milliardaǵan shyǵynǵa batty, biraq sonda da jeńiliske ushyrady. Iaǵni, memleket múddesin kim qalai qorǵaidy degen máseleni maishammen qaraý kerek.
Bul oraida, Prezidenttiń kásibi biliktiligi, halyqaralyq arenadaǵy tájiribesi men bedeli kómek bolary sózsiz.
Abzal QUSPAN, Májilis depýtaty
https://dalanews.kz/del-qazir/94643-aqparat-ministrligi-qaragandydagy-a
