بيىل تامىز ايىندا «كازاحستانسكايا» شاحتاسىندا بولعان ٶرت سالدارىنان 4 ادام باقيلىق بولدى.
وسىنداي كەزدە ٷكٸمەت قايدا قاراپ وتىر دەگەن سۇراق تۋىنداۋى زاڭدى.
ساراپشىلاردىڭ ايتۋىنشا, بۇل اپاتتاردىڭ بارلىعى ٶندٸرٸستٸك قاۋٸپسٸزدٸك ەرەجەلەرٸن ساقتاماۋدان تۋىنداعان. بۇل تۋرالى كومپانيياعا مەملەكەت تاراپىنان تالاي اۋديت جٷرگٸزٸلٸپ, مونيتورينگ جاسالدى, كومپانييا باسشىلىعىنا تالاي ەسكەرتۋ جاسالدى, ايىپپۇلدار سالىندى.
تامىز ايىنداعى اپاتتان سوڭ پرەزيدەنت اتىشۋلى كومپانييانىڭ ورنىنا باسقا ينۆەستور تابۋ تۋرالى ٷكٸمەتكە تاپسىرما بەرگەن. تٷندەگٸ اپاتتان سوڭ «ارسەللورميتتالتەمٸرتاۋ» كومپانيياسىمەن ينۆەستيتسييالىق كەلٸسٸمدٸ بۇزۋ تۋرالى شەشٸم قابىلداندى. بۇل كٶپشٸلٸكتٸڭ كٶپتەن كٷتكەن جاڭالىعى بولعانىمەن, مۇنداي شەشٸم بٸر كٷندە قابىلدانبايدى, سەبەبٸ ونىڭ قۇقىقتىق استارى كٶپ.
شاماسى, بىلتىردان بەرٸ جٷرگٸزٸلگەن تەكسەرۋلەر مەن بٸرنەشە ايدان بەرگٸ كەلٸسسٶزدەردٸڭ نەتيجەسٸ وسىعان ەكەلدٸ.
وسى تۇستا ەسكەرەتٸن بٸرنەشە مەسەلە بار. «ارسەللورميتتال»-دىڭ ورنىنا كٸم كەلەدٸ? وتاندىق ينۆەستور بولسا, قۇبا-قۇپ.
ەكٸنشٸ مەسەلە – كومپانيياعا قاراستى كەن ورىندارىنا تولىق تەكسەرۋ جٷرگٸزٸپ, ەڭبەك قاۋٸپسٸزدٸگٸن قامتاماسىز ەتۋ كەرەك. مەملەكەت ٷشٸن ازاماتتاردىڭ ٶمٸرٸ مەن قاۋٸپسٸزدٸگٸ ەڭ بٸرٸنشٸ كەزەكتە تۇرعان مەسەلە. بۇل رەتتە پرەزيدەنتتٸڭ اپات ورنىنا دەرەۋ جەتٸپ, بار جاعدايعا ٶزٸ قانىعىپ, ناقتى اقپاراتتى الۋى, شۇعىل شەشٸم قابىلداۋى – قۇپتارلىق.
تاعى بٸر مەسەلە – مەملەكەتتٸڭ حالىقارالىق بيزنەس-قاۋىمداستىق الدىنداعى ينۆەستيتسييالىق بەت-بەينەسٸن ساقتاپ قالۋ, قازاقستاننىڭ ەكونوميكاسىنا قارجىسىن سالۋعا دايىن, ٶز ٸسٸنە ادال شەتەلدٸك ينۆەستورلاردى تارتۋ.
بۇعان دەيٸن «ارسەللورميتتال» كەن ورىندارىنداعى ٶندٸرٸس قاۋٸپسٸزدٸگٸن ساقتاۋعا قاتىستى, جەرگٸلٸكتٸ حالىقتىڭ دەنساۋلىعىنا تيگٸزگەن زييان مەن قورشاعان ورتانى لاستاۋدى ازايتۋعا قاتىستى بەرٸلگەن شاعىمدار مەن ەسكەرتۋلەردٸ دۇرىس ورىنداعان جوق. مۇنى دەلەلدەيتٸن ايعاق جەتكٸلٸكتٸ. سوندا دا ونىمەن كەلٸسٸم-شارتتى بٸرجاقتى تٷردە بۇزۋ حالىقارالىق دەڭگەيدەگٸ جانجالعا اپارماۋىن قاداعالاۋ كەرەك.
كەشە عانا قاماۋعا الىنعان ەكس-مينيستردٸڭ ٸسٸنەن بەلگٸلٸ: شەتەلدٸك كەسٸپكەر ستاتيمەن بولعان سوتتا قازاقستان ميلليارداعان شىعىنعا باتتى, بٸراق سوندا دا جەڭٸلٸسكە ۇشىرادى. ياعني, مەملەكەت مٷددەسٸن كٸم قالاي قورعايدى دەگەن مەسەلەنٸ مايشاممەن قاراۋ كەرەك.
بۇل ورايدا, پرەزيدەنتتٸڭ كەسٸبي بيلٸكتٸلٸگٸ, حالىقارالىق ارەناداعى تەجٸريبەسٸ مەن بەدەلٸ كٶمەك بولارى سٶزسٸز.
ابزال قۇسپان, مەجٸلٸس دەپۋتاتى
https://dalanews.kz/del-qazir/94643-aqparat-ministrligi-qaragandydagy-a
