Qazylar alqasynyń quramynda oblys ákimi apparatynyń ókilderi, JOO men óńirdegi IT-kompaniialardyń mamandary boldy.
– Baiqaý jyl saiyn dástúrli túrde uiymdastyrylyp keledi. Munda IT-tehnologiia salasyn jetik biletin balalar jinaldy, – dedi oblys ákimi apparaty basshysynyń orynbasary Marina Gagarina. – Ótken jyly StartUp-jobalar baiqaýyna 10 mekteptiń oqýshylary qatysty. Al biyl olardyń qatary eki esege artty. Bul qýantarlyq kórsetkish. Balalardyń usynyp otyrǵan jobalary jan-jaqty qamtylǵan. Onyń ishinde bilim berý, densaýlyq saqtaý, qaýipsizdik jáne aýyl sharýashylyǵy salalaryna qatysty jobalar da bar. Mysaly, teńge alý, «Aqyldy mektep», sondai-aq tasqynnyń aldyn alý syndy qyzyqty jobalardy usynyp, ony iske asyrýdy josparlap otyr.
Baiqaýdyń qortyndysy «Tsifrly Shyǵys – 2019» IT-forýmynda jariialanatyn bolady.
