«Startup Bolashak» baiqaýyna kásipkerlerden 2 736 ótinish túsken
Eń kóp úmitker Almaty qalasynda. Munda 365 ótinim tirkelgen. Ekinshi orynda 350 ótinim bergen Ońtústik Qazaqstan oblysy tur. Shymkent qalasynda 269 is bastaýshy kásipker qujat tapsyrsa, Túrkistanda 81 adam baiqaýǵa qatysýǵa niet bildirgen. Úshinshi orynda - 287 ótinim qabyldaǵan Astana qalasy.
2015 jyly baiqaýǵa qatysýshylar sany 2 095 bolǵan edi.
Is bastaýshy kásipkerler arasynda suranysqa ie salalar qatary: óńdeý ónerkásibi – 701 joba, aýyl, orman, balyq sharýashylyǵy – 310 ótinim, bilim berý – 227 ótinim, aqparat jáne bailanys – 222 ótinim.
Baiqaýǵa Qazaqstannyń barlyq aimaqtarynan 18 ben 29 jas aralyǵyndaǵy barlyq jas kásipkerler qatysa alady. Ekinshi startap jobalar baiqaýy «Bolashak» qaýymdastyǵynyń 3 grantyn usynady:
I oryn – 7 mln teńge, II oryn – 6 mln teńge, III oryn – 5 mln teńge. Sonymen qatar, Birikken Ulttar Uiymynyń Qazaqstandaǵy Damý Baǵdarlamasynyń «jasyl ekonomika» salasyndaǵy startaptaryn júzege asyrý úshin 15 mln teńge granttary da beriledi.
Úzdik ideia avtorlary investorlardan investitsiia ala alady jáne olarǵa «Damý» Qory qoldaý kórsetetin bolady.
«Startup «Bolashak» baiqaýy eki kezeńmen ótedi. Birinshi kezeńde baiqaý komissiiasynyń músheleri kem degende 20 qyzyqty ideiany iriktep alady. Ol ideia avtorlary oqý treninginen ótedi. Ekinshi kezeńde úzdik 10 biznes-ideia keńesshiler men kásibi mentorlarmen birlesip biznes-jospar jasaýǵa kirisedi. Jeńimpazdar 26 qarashada ótetin biznes-josparlar marafonynda anyqtalady.
