ەڭ كوپ ۇمىتكەر الماتى قالاسىندا. مۇندا 365 ءوتىنىم تىركەلگەن. ەكىنشى ورىندا 350 ءوتىنىم بەرگەن وڭتۇستىك قازاقستان وبلىسى تۇر. شىمكەنت قالاسىندا 269 ءىس باستاۋشى كاسىپكەر قۇجات تاپسىرسا، تۇركىستاندا 81 ادام بايقاۋعا قاتىسۋعا نيەت بىلدىرگەن. ءۇشىنشى ورىندا - 287 ءوتىنىم قابىلداعان استانا قالاسى.
2015 جىلى بايقاۋعا قاتىسۋشىلار سانى 2 095 بولعان ەدى.
ءىس باستاۋشى كاسىپكەرلەر اراسىندا سۇرانىسقا يە سالالار قاتارى: وڭدەۋ ونەركاسىبى – 701 جوبا، اۋىل، ورمان، بالىق شارۋاشىلىعى – 310 ءوتىنىم، ءبىلىم بەرۋ – 227 ءوتىنىم، اقپارات جانە بايلانىس – 222 ءوتىنىم.
بايقاۋعا قازاقستاننىڭ بارلىق ايماقتارىنان 18 بەن 29 جاس ارالىعىنداعى بارلىق جاس كاسىپكەرلەر قاتىسا الادى. ەكىنشى ستارتاپ جوبالار بايقاۋى «بولاشاك» قاۋىمداستىعىنىڭ 3 گرانتىن ۇسىنادى:
I ورىن – 7 ملن تەڭگە، II ورىن – 6 ملن تەڭگە، III ورىن – 5 ملن تەڭگە. سونىمەن قاتار، بىرىككەن ۇلتتار ۇيىمىنىڭ قازاقستانداعى دامۋ باعدارلاماسىنىڭ «جاسىل ەكونوميكا» سالاسىنداعى ستارتاپتارىن جۇزەگە اسىرۋ ءۇشىن 15 ملن تەڭگە گرانتتارى دا بەرىلەدى.
ۇزدىك يدەيا اۆتورلارى ينۆەستورلاردان ينۆەستيسيا الا الادى جانە ولارعا «دامۋ» قورى قولداۋ كورسەتەتىن بولادى.
«Startup «Bolashak» بايقاۋى ەكى كەزەڭمەن وتەدى. ءبىرىنشى كەزەڭدە بايقاۋ كوميسسياسىنىڭ مۇشەلەرى كەم دەگەندە 20 قىزىقتى يدەيانى ىرىكتەپ الادى. ول يدەيا اۆتورلارى وقۋ ترەنينگىنەن وتەدى. ەكىنشى كەزەڭدە ۇزدىك 10 بيزنەس-يدەيا كەڭەسشىلەر مەن كاسىبي مەنتورلارمەن بىرلەسىپ بيزنەس-جوسپار جاساۋعا كىرىسەدى. جەڭىمپازدار 26 قاراشادا وتەتىن بيزنەس-جوسپارلار مارافونىندا انىقتالادى.
