Soltústik Qazaqstan oblysynyń eks-ákimi Samat Eskendirov alaiaqtyq babymen sottaldy. Ol úleskerlerdi aldap, jerlerin satyp jibergen, dep habarlaidy Dalanews.kz.
Jaýapker E. jáne basqa tulǵa nesie alý úshin jalǵan jinalys hattamalaryn jasaǵan. Olar JShS qatysýshylarynyń kelisiminsiz Býrabai aýdany turǵyndarynyń jer telimderin kepilge qoiǵan.
"Bir top adam aýyl turǵyndarynyń jer úlesterin zańsyz iemdenip, enshiles kásiporynǵa jer ýchaskesin kepilge bergen jáne ielikten shyǵarǵan. Sonyń saldarynan jábirlenýshilerge asa iri kólemde materialdyq zalal keltirilgen. Bul áreket Qylmystyq kodekstiń "Adamdar tobynda aldyn ala sóz bailasý arqyly asa iri kólemdegi alaiaqtyq" retinde baǵalanady, – dep málimdedi Aqmola oblysy Kókshetaý qalalyq sotynyń baspasóz qyzmeti.
Belgili bolǵandai, eks-ákimniń kinási jábirlenýshiler, kýágerler, tintýler, tárkilengen tólem tapsyrmalary, saraptamalyq qorytyndylar jáne táýelsiz aýditordyń aiǵaqtarmen dáleldendi. Sot jaza taǵaiyndaý kezinde sottalýshyǵa qatań jaza taǵaiyndaýdy talap etpegen jábirlenýshilerdiń kópshiliginiń pikirin eskerdi.
"2023 jyly sot sheshimimen JShS quryltaishylary jinalysynyń sheshimi jáne quqyqty úshinshi tulǵalarǵa berý týraly kelisim jaramsyz dep tanyldy. Osyǵan bailanysty, jer ýchaskesi jábirlenýshilerge qaitaryldy. Aýyl turǵyndaryna keltirilgen materialdyq shyǵyndy óteý týraly sot úkimi shyǵaryldy. E.-ge QR QK-niń 63-babyn qoldana otyryp, 5 jylǵa shartty túrde bas bostandyǵynan aiyrý jazasy taǵaiyndaldy", – delingen aqparatta.
Eske salaiyq, biyl jazda Aqmola oblysynda Soltústik Qazaqstan oblysynyń burynǵy ákimi, eks-senator Samat Eskendirovke qatysty sot protsesi ótip jatqany belgili bolǵan edi. Al oblystyq sottyń baspasóz qyzmeti joǵary laýazymdy sheneýnikke qatysty istiń Kókshetaý qalalyq sotynda qaralǵanyn habarlaǵan.
