Shyǵys Qazaqstan oblysynda Toyota, Chevrolet jáne Subaru kólikteri soqtyǵysyp, Toyota kóliginiń jolaýshysy oqiǵa ornynda qaza tapty, dep habarlaidy dalanews.kz.
«Osy fakti boiynsha qylmystyq is qozǵaldy», — dep habarlady politsiia.
Jol-kólik oqiǵasy 18 qyrkúiek kúni saǵat 18:30 shamasynda «Óskemen — Rahman qainary» avtojolynyń 48-shaqyrymynda bolǵan.
Apat saldarynan Toyota kóliginiń jolaýshysy oqiǵa ornynda kóz jumǵan. Qalǵan jol-kólik oqiǵasyna qatysýshylar meditsinalyq mekemelerge jetkizildi.
Qazir jol-kólik oqiǵasynyń barlyq mán-jaiy anyqtalyp jatyr.
QR QPK-niń 201-babyna sáikes, ózge aqparat jariia etýge jatpaidy.
