Шығыс Қазақстан облысында Toyota, Chevrolet және Subaru көліктері соқтығысып, Toyota көлігінің жолаушысы оқиға орнында қаза тапты, деп хабарлайды dalanews.kz.
«Осы факті бойынша қылмыстық іс қозғалды», — деп хабарлады полиция.
Жол-көлік оқиғасы 18 қыркүйек күні сағат 18:30 шамасында «Өскемен — Рахман қайнары» автожолының 48-шақырымында болған.
Апат салдарынан Toyota көлігінің жолаушысы оқиға орнында көз жұмған. Қалған жол-көлік оқиғасына қатысушылар медициналық мекемелерге жеткізілді.
Қазір жол-көлік оқиғасының барлық мән-жайы анықталып жатыр.
ҚР ҚПК-нің 201-бабына сәйкес, өзге ақпарат жария етуге жатпайды.
