ShQO-da qaýipti áreket jasaǵan júrgizýshi men jolaýshy jaýapqa tartyldy, dep habarlaidy dalanews.kz.
Áleýmettik jelilerde taraǵan beinejazbada jeńil kóliktiń qozǵalysy kezinde jolaýshy qaýipsizdik talaptaryn óreskel buzyp, denesin kóliktiń terezesinen shyǵaryp otyrǵany kórinedi. Bul áreket óziniń ǵana emes, ózge de jol qozǵalysyna qatysýshylardyń ómiri men densaýlyǵyna qater tóndirgen.
Tekseris barysynda politsiia qyzmetkerleri oqiǵaǵa qatysýshylardy jedel anyqtady. Chevrolet Cobalt kóliginiń 27 jastaǵy júrgizýshisi jol qozǵalysy qaýipsizdigi talaptaryn buzǵany úshin jazalandy.
Sondai-aq, qozǵalys kezinde qaýipsizdik beldigin taqpaǵan jolaýshy da zańnamaǵa sáikes jaýapkershilikke tartyldy.
