Soltústik Qazaqstan oblysynda 11 myńǵa jýyq oqýshy bilim alatyn 74 mekteptiń direktory ákimshilik jaýapkershilikke tartyldy, dep habarlaidy Dalanews.kz.
Buǵan mektep kompiýterlerinen tyiym salynǵan saittarǵa erkin kirý múmkindiginiń bolýy sebep bolǵan.
“Belgilengen talaptarǵa qaishy, mektepterde ómiri men densaýlyǵyna qater tóndiretin, sonyń ishinde sýitsid pen zorlyq-zombylyqqa itermeleitin materialdar ornalastyrylǵan tyiym salynǵan saittarǵa kedergisiz kirý múmkindigi bolǵan”, – delingen resmi málimdemede.
Buzýshylyqtar Petropavl qalasynda, Málik Ǵabdýllin,Qyzyljar, Timiriazev jáne Ýálihanov aýdandarynda anyqtaldy.
Prokýratýranyń aralasýynan keiin atalǵan saittarǵa qoljetimdilik shekteldi. Mektep basshylaryna 10 ailyq eseptik kórsetkish (39 320 teńge) mólsherinde aiyppul salyndy.
