Aimaqta qaýipti óndiristik nysandardaǵy qaýipsizdik talaptaryn saqtaý jáne óndiristik jaraqattyń aldyn alý jumystary jalǵasýda. Bul týraly Óńirlik kommýnikatsiialar qyzmeti alańynda ótken brifingte ShQO Kásipkerlik jáne ónerkásip basqarmasynyń basshysy Ansat Isatai Sábiuly málimdedi, dep habarlaidy dalanews.kz.
Búginde oblysta 354 qaýipti óndiristik nysan bar. 2026 jyly normativtik paidalaný merzimi aiaqtalǵan 603 birlik jabdyq pen tehnologiialyq jelini jańartý josparlanǵan.
Kásiporyndarda óndiristik baqylaýǵa erekshe kóńil bólinýde. Qyzmetkerlerdiń ornalasýyn baqylaý, avariialyq habarlaý, avtomatty órt sóndirý jáne jabdyqtardy qashyqtan basqarý júieleri engizilýde.
Budan bólek, oblystaǵy 45 kásiporyn Vision Zero – «Nóldik jaraqattaný» tujyrymdamasyna qosylǵan. «Halyqtyq baqylaý» jobasy 14 kásiporynda júzege asyrylyp jatyr.
Qazir eńbek qaýipsizdigi men eńbekti qorǵaý máseleleri boiynsha 679 óndiristik keńes jumys isteidi.
