Óz kezeginde oblys ákimi aýyl sharýashylyǵy salasyndaǵy árbir kórsetkishtiń astarynda tynymsyz eńbek jatqanyn alǵa tartty.
– Soltústik Qazaqstan oblysynyń aýyl sharýashylyǵy eńbekkerleri elimiz boiynsha aldyńǵy orynda keledi. Bul maqtanysh úshin aitylǵan pafosqa toly sóz emes. Aitalyq, búginde elimizde óndiriletin bidaidyń 25%-yn bizdiń oblysymyzdy jer emgen sharýalary óndirip keledi.
Budan basqa elimizge qajet maily daqyldardyń úshten bir bóligi SQO-da óndirse, qazir oblysymyz jumyrtqa óndirýde aldyńǵy orynǵa shyqty.
Taǵy da aita tússek, respýblikada óndiriletin súttiń tórtten bir bóligi bizdiń sút fermalarymyzdy óndirip otyr. Bul baǵyttaǵy jumystardyń jandanýyna barynsha kóńil bólip kelemiz. Osyndai jetistikke jetý úshin bizder aýyl sharýashylyǵy salasyna eń qomaqty investitsiia tarttyq. Qazirgi tańda Soltústik Qazaqstan oblysy elimiz boiynsha agro salaǵa eń kóp investitsiia tartqan oblys bolyp sanalady, – dedi oblys ákimi Qumar Aqsaqalov.
Aitsa aitqandai, qazir SQO-da aýyl sharýashylyǵy salasy qarqyndy damyp keledi. Sharýalar jumystarynyń ónimdiligin arttyrý úshin zaman talabyna sai tehnikalar satyp alyp, túrli daqyldardyń jańa sorttaryn paidalanyp, tabysqa kenelýde. Oblysta aýyl sharýashylyǵynyń ónimdiligin arttyrý jolynda tyńaitqyshtar da kóptep alynýda.
Qazirgi tańda Soltsútik Qazaqstan oblysynda 22 sút fermasy salynsa, jyl aiaǵyna deiin taǵy da 8 taýarly sút fermasy jumysyn bastaitynyn oblys basshysy alǵa tartty. Budan basqa biyl oblysta 2 qus fabrikasy ashylǵan. Aldaǵy jyly taǵy bir qus fabrikasyn ashý josparda bar eken.
– Bizder sońǵy 10 aida quny 1 trln teńgeni quraityn aýyl sharýashylyǵy ónimderin óndirip, rekkordtyq nátijege qol jetkizdik. Mundai úlken jetistikke jetýde aýyl sharýashylyǵy eńbekkerleriniń eńbegi zor ekenin aitqym keledi. Sol sebepti SQO-nyń sharýalaryn shyn júrekten quttyqtaimyn! – dedi Qumar Aqsaqalov.
Saltanatty basqosýda oblys ákimi eńbegimen tanylǵan azamattarǵa memlekettik nagradalardy tapsyrdy. Kesh sońy Qazaqstannyń Halyq ártisi Roza Rymbaeva qatysqan dýmandy keshpen túiindeldi.
