ءوز كەزەگىندە وبلىس اكىمى اۋىل شارۋاشىلىعى سالاسىنداعى ءاربىر كورسەتكىشتىڭ استارىندا تىنىمسىز ەڭبەك جاتقانىن العا تارتتى.
– سولتۇستىك قازاقستان وبلىسىنىڭ اۋىل شارۋاشىلىعى ەڭبەككەرلەرى ەلىمىز بويىنشا الدىڭعى ورىندا كەلەدى. بۇل ماقتانىش ءۇشىن ايتىلعان پافوسقا تولى ءسوز ەمەس. ايتالىق، بۇگىندە ەلىمىزدە وندىرىلەتىن بيدايدىڭ 25%-ىن ءبىزدىڭ وبلىسىمىزدى جەر ەمگەن شارۋالارى ءوندىرىپ كەلەدى.
بۇدان باسقا ەلىمىزگە قاجەت مايلى داقىلداردىڭ ۇشتەن ءبىر بولىگى سقو-دا وندىرسە، ءقازىر وبلىسىمىز جۇمىرتقا وندىرۋدە الدىڭعى ورىنعا شىقتى.
تاعى دا ايتا تۇسسەك، رەسپۋبليكادا وندىرىلەتىن ءسۇتتىڭ تورتتەن ءبىر بولىگى ءبىزدىڭ ءسۇت فەرمالارىمىزدى ءوندىرىپ وتىر. بۇل باعىتتاعى جۇمىستاردىڭ جاندانۋىنا بارىنشا كوڭىل ءبولىپ كەلەمىز. وسىنداي جەتىستىككە جەتۋ ءۇشىن بىزدەر اۋىل شارۋاشىلىعى سالاسىنا ەڭ قوماقتى ينۆەستيسيا تارتتىق. قازىرگى تاڭدا سولتۇستىك قازاقستان وبلىسى ەلىمىز بويىنشا اگرو سالاعا ەڭ كوپ ينۆەستيسيا تارتقان وبلىس بولىپ سانالادى، – دەدى وبلىس اكىمى قۇمار اقساقالوۆ.
ايتسا ايتقانداي، ءقازىر سقو-دا اۋىل شارۋاشىلىعى سالاسى قارقىندى دامىپ كەلەدى. شارۋالار جۇمىستارىنىڭ ونىمدىلىگىن ارتتىرۋ ءۇشىن زامان تالابىنا ساي تەحنيكالار ساتىپ الىپ، ءتۇرلى داقىلداردىڭ جاڭا سورتتارىن پايدالانىپ، تابىسقا كەنەلۋدە. وبلىستا اۋىل شارۋاشىلىعىنىڭ ونىمدىلىگىن ارتتىرۋ جولىندا تىڭايتقىشتار دا كوپتەپ الىنۋدا.
قازىرگى تاڭدا سولتسۇتىك قازاقستان وبلىسىندا 22 ءسۇت فەرماسى سالىنسا، جىل اياعىنا دەيىن تاعى دا 8 تاۋارلى ءسۇت فەرماسى جۇمىسىن باستايتىنىن وبلىس باسشىسى العا تارتتى. بۇدان باسقا بيىل وبلىستا 2 قۇس فابريكاسى اشىلعان. الداعى جىلى تاعى ءبىر قۇس فابريكاسىن اشۋ جوسپاردا بار ەكەن.
– بىزدەر سوڭعى 10 ايدا قۇنى 1 ترلن تەڭگەنى قۇرايتىن اۋىل شارۋاشىلىعى ونىمدەرىن ءوندىرىپ، رەككوردتىق ناتيجەگە قول جەتكىزدىك. مۇنداي ۇلكەن جەتىستىككە جەتۋدە اۋىل شارۋاشىلىعى ەڭبەككەرلەرىنىڭ ەڭبەگى زور ەكەنىن ايتقىم كەلەدى. سول سەبەپتى سقو-نىڭ شارۋالارىن شىن جۇرەكتەن قۇتتىقتايمىن! – دەدى قۇمار اقساقالوۆ.
سالتاناتتى باسقوسۋدا وبلىس اكىمى ەڭبەگىمەن تانىلعان ازاماتتارعا مەملەكەتتىك ناگرادالاردى تاپسىردى. كەش سوڭى قازاقستاننىڭ حالىق ءارتىسى روزا رىمبايەۆا قاتىسقان دۋماندى كەشپەن تۇيىندەلدى.
