SQO-da aýdan ákiminiń orynbasary para alý boiynsha kúdikti, - dep habarlaidy Dalanews.kz Antikorǵa siltep.
Sybailas jemqorlyqqa qarsy qyzmettiń Soltústik Qazaqstan oblysy boiynsha departamenti oblys aýdandarynyń biriniń ákim orynbasary men bólim basshysyna qatysty sotqa deiingi tergeý júrgizip jatyr.
Laýazymdy tulǵalar aýdandyq mańyzy bar avtojoldardy aǵymdaǵy jóndeý boiynsha oryndalǵan jumystar aktilerine kedergisiz qol qoiǵany jáne jalpy qamqorlyǵy úshin kásipkerlik sýbektisinen 10 mln teńge kóleminde para aldy degen kúdikke ilindi.
Tergeý sotynyń sanktsiiasymen «qamaýda ustaý» túrindegi bultartpaý sharasy tańdaldy. Tergeý jalǵasyp jatyr.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
