سقو-دا اۋدان اكىمىنىڭ ورىنباسارى پارا الۋ بويىنشا كۇدىكتى، - دەپ حابارلايدى Dalanews.kz انتيكورعا سىلتەپ.
سىبايلاس جەمقورلىققا قارسى قىزمەتتىڭ سولتۇستىك قازاقستان وبلىسى بويىنشا دەپارتامەنتى وبلىس اۋداندارىنىڭ ءبىرىنىڭ اكىم ورىنباسارى مەن ءبولىم باسشىسىنا قاتىستى سوتقا دەيىنگى تەرگەۋ جۇرگىزىپ جاتىر.
لاۋازىمدى تۇلعالار اۋداندىق ماڭىزى بار اۆتوجولداردى اعىمداعى جوندەۋ بويىنشا ورىندالعان جۇمىستار اكتىلەرىنە كەدەرگىسىز قول قويعانى جانە جالپى قامقورلىعى ءۇشىن كاسىپكەرلىك سۋبەكتىسىنەن 10 ملن تەڭگە كولەمىندە پارا الدى دەگەن كۇدىككە ءىلىندى.
تەرگەۋ سوتىنىڭ سانكسياسىمەن «قاماۋدا ۇستاۋ» تۇرىندەگى بۇلتارتپاۋ شاراسى تاڭدالدى. تەرگەۋ جالعاسىپ جاتىر.
قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
