QR Qarjy ministri Mádi Takiev Soltústik Qazaqstan oblysyna jumys saparymen baryp, óńirdegi negizgi jobalarmen tanysty, dep habarlaidy Dalanews.kz
Ministr «Qyzyljar» arnaiy ekonomikalyq aimaǵynda injenerlik-kommýnikatsiialyq infraqurylymnyń qurylysy máseleleri boiynsha keńes ótkizdi. Kezdesýde merdigerlerdiń injenerlik jelilerdi salý boiynsha esepteri tyńdaldy. Sondai-aq, otandyq jáne sheteldik investorlar arnaiy aimaqta jańa óndiristerdiń qurylysy barysy týraly baiandady.
Qazir №3 sýbaimaqta nan-toqash ónimderi zaýyty, traktorlar men aýyl sharýashylyǵy tehnikasyn shyǵaratyn kásiporyn, kótergish — kólik jabdyqtary men kópir krandaryn óndirý zaýyty, sańyraýqulaq fermasy jáne kompost zaýyty syndy jobalar júzege asýda.
"Jalpy alǵanda, úshinshi sýbaimaqta Italiia, Qytai, Resei jáne Germaniiadan kapital tartý arqyly 105 mlrd teńgege 16 investjoba iske aspaq. Bul jobalar aiasynda 1,7 myń jańa jumys orny ashylady", - dep jazdy óńir basshysy Ǵaýez Nurmuhambetov áleýmettik jelide.
Sondai-aq, Mádi Takiev kópsalaly oblystyq aýrýhananyń qurylys barysymen de tanysty. Bul aýrýhana óńirdegi halyqaralyq standarttarǵa sai alǵashqy joǵary deńgeidegi meditsinalyq mekeme bolmaq. Mańyzdy áleýmettik nysannyń ashylýy zamanaýi tehnologiialardy engizýge, meditsinalyq qyzmetterdiń qoljetimdiligi men sapasyn jaqsartýǵa negiz bolady.
