Qazaqstan halyqaralyq olimpiada jeńimpazdaryn memlekettik deńgeide qoldaý sharalaryn kúsheitti, dep habarlaidy dalanews.kz.
2022 jyldan bastap halyqaralyq pándik olimpiadalardyń jeńimpazdary men júldegerlerine, sondai-aq, olardy daiyndaǵan pedagogterge birjolǵy aqshalai syiaqy tólenip keledi. Bul týraly OKQ alańynda ótken dóńgelek ústelde QR oqý-aǵartý vitse-ministri Shynar Aqparova málimdedi.
"Altyn medal iegerlerine 1500 AEK-ke deiin, kúmis medal iegerlerine 1000 AEK-ke deiin, qola medal iegerlerine 500 AEK-ke deiin birjolǵy syiaqy tólenedi. Memlekettik qoldaý tek oqýshylarǵa emes, olardy daiarlaǵan pedagogterge de kórsetiledi. 2025 jyly Memleket basshysy alǵash ret halyqaralyq olimpiada jeńimpazdaryn daiyndaǵan 24 ustazdy "Qurmet" ordenimen, "Shapaǵat" jáne "Eren eńbegi úshin" medaldarymen marapattady", – dedi ol.
Onyń málimetinshe, 2025 jyly halyqaralyq olimpiadalardyń jeńimpazdary men olardy daiarlaǵan pedagogterge jalpy somasy 101,7 mln teńge kóleminde birjolǵy memlekettik syiaqy tólengen.
Sondai-aq, biyldan bastap halyqaralyq ǵylymi jarystardyń jeńimpazdary men olardy daiyndaǵan pedagogterge de birjolǵy aqshalai syiaqy tóleý tetigi engizildi.
